बलात्कार मुद्दामा नेमारलाई सफाइ

ब्राजिलियन स्टार नेमारमाथि लागेको बलात्कार मुद्धाबाट छुटकारा पाएका छन् । नेमारमाथि बलात्कार आरोपमा मुद्दा दायर गरेकी नजिला त्रिनान्देले पार्याप्त प्रमाण जुनाउटन नसकेपछि नेमारविरुद्धको मुद्दाको फाइलन बन्द भएको छ ।

ब्राजिल साओ पाओलोमा एक ब्राजिलियन मोडलले नेमारले बलात्कार गरेको आरोप लगाएकी थिइन् । तर, उनी प्रहरीसमक्ष प्रमाण पेश गर्न असमर्थ भइन् । यता, नेमारले भने आफूमाथि बलात्कार मुद्धा फासाउने प्रयास गरिएको बताउँदै आएका थिए ।

भर्खरै चोटबाट मुक्त भएका नेमार यतिखेर एक्लै प्रशिक्षण गरिरहेका छन् । पिएसजी छाड्दै पुनः बार्सिलोना जान चाहिरहेका नेमारलाई पिएसजीले प्रिसिजन टुरमा सामेल गरेको छैन ।

त्रिनान्देले दर्ता गरेको उजुरीमा अनुसार नेमार र ती महिला इन्स्टाग्राममार्फत भेटेका थिए । ब्राजिलकी ती महिलालाई नेमारले पेरिस आउन भनेका थिए । विमानको टिकट काटिदिएका थिए ।फ्रान्सको होटल सोफिटेल पेरिस आर्क डु ट्रोम्फीमा उनीहरु यसै वर्षको १५ मेमा बसेका थिए । त्यसैबेला मदिराले मात्तिएका नेमारले उनलाई बलात्कार गरेको उजुरीमा उल्लेख थियो ।

बलात्कारको आरोपछि नेमारले इन्स्टाग्राम भिडियो मार्फत् ती महिला पठाएका म्यासेजहरु सार्वजनिक गरेका थिए। जहाँ अश्लिल तस्बिरहरु समेत समावेश थिए । उक्त म्यासेजमा महिला आफैंले नेमारसँग सम्बन्ध बढाउने खोजेको देखिन्छ ।

Leave a Reply

Your email address will not be published. Required fields are marked *