विक्रम लामाले गरे थ्री स्टारसँग सम्झौता नवीकरण

लामो समय चोटका कारण मैदान बाहिर रहेका मिडफिल्ड विक्रम लामाले थ्री स्टार क्लबसँग सम्झौता नवीकरण गरेका छन्। लामो सयमदेखि थ्री स्थारको कप्तान रहेका उनले ए डिभिजन लिगका लागि थ्री स्टारसँगको सम्झौता नवीकरण गरेका हुन्।

३२ वर्षीय विक्रमले बिहीबार थ्री स्टारसँगको सम्झौता नवीकरण गरेका हुन् । उनी सन् २०१२ देखि थ्री स्टारबाट खेल्दै आइरहेका छन्।

थ्री स्टारसँग सम्झौता नवीकरण गरेपछि उनले थी स्टार आफ्ना लागि घर भएको र यसका सदस्य परिवार भएको बताए । उनले टिमलाई सफलता दिलाउन कडा संघर्ष गर्ने बताए।

थ्री स्टारले यसअघि मिडफिल्डर आयुश घलान र डोना थापालाई अनुबन्ध गरेको छ भने अनन्त तामाङ, संजोग राई, निशान खड्का, निशान लिम्बू, मिक्छेन तामाङ र अशोक खवाससँग सम्झौता नवीकरण गरेको थियो।

Facebook Comments Box