Read Time:1 Minute

जारी इन्डियन प्रिमियर लिग (आईपिएल)काे फाइनल नरेन्द्र माेदी रंगशाला अहमदावादमा हुने भएकाे छ। भारतीय क्रिकेट कन्ट्रोल बोर्ड (बीसीसीआई)का अनुसार प्लेअपफका खेल कोलकताको इडेन गार्डेनमा हुनेछ।

क्वालिफायर एक र एलिमिनेटरका खेलहरु मे २४ र २५ मा कोलकताको इडेन गार्डेनमा हुनेछ भने क्वालिफायर दुई मे २७ मा हुनेछ । फाइनल खेल मे २९ मा अहमदावादस्थित नरेन्द्र मोदी रंगशालामा हुनेछ ।

प्लेअफका खेल पूर्ण दर्शकसहित खेलाइने बिसिसिआईले जनाएकाे छ।

हाल आईपीएलको १५औं संस्करणका खेलहरु मुम्बईको वाङखेडे रंगशाला र ब्राबोर्न रंगशाला, नावी मुम्बईको डिवाई पाटिल रंगशाला र पुनेको एमसीए रंगशालामा भइरहेको छ ।

बीसीसीआईका अध्यक्ष सौरभ गांगुलीले प्लेअफका खेलहरु शतप्रतिशत दर्शकसहित कोलकता र अहमदावादमा हुने बताए । उनले ले महिला टी(२० च्यालेन्ज मे २४ देखि २८ सम्म लखनउमा हुने पनि जानकारी दिएका छन् ।