अस्ट्रेलियन टिमको कप्तानी क्यारीले गर्ने

वेस्टइन्डिजविरुद्धको एकदिवसीय सिरिजमा अस्ट्रेलियन टिमको कप्तानी विकेटकिपर ब्याट्सम्यान एलेक्स क्यारीले गर्ने भएका छन्। नियमित कप्तान फिन्च घाइते भएपछि अस्ट्रेलियन क्रिकेट बोर्डले क्यारीले कप्तानीको जिम्मेवारी दिएको हो।

३४ वर्षीय फिन्च वेस्टइन्डिजनविरुद्धको टि–२० सिरिजको अन्तिम खेलमा घाइते भएका थिए। खेलका क्रममा फिन्चको घुँडामा चोट लागेको थियो। सोही कारण उनले वेस्टइन्डिजविरुद्धको एकदिवसीय गुमाएका छन्।

पछिल्लो समय चोटले सताइएका फिन्च पुनः घाइते भएको र वेस्टइन्डिजविरुद्ध फिट नहुने भएकाले क्यारीले कप्तानीको जिम्मवारी दिइएको बोर्डले जनाएको छ।

कप्तानीको जिम्मेवारी पाएपछि क्यारीले आफू एकदमै खुसी भएको बताएका छन् । ‘यो मेराका लागि ठूलो सम्मान हो। बोर्डलाई मलाई अस्ट्रेलियन टिमको नेतृत्व गर्न सक्षम सम्झिाएको छ,’ उनले भनेका छन्, ‘देशको कप्तानी गर्नु भनेको खेलाडीका लाडि सबैभन्दा ठूलो सुविधा हो। र, यो सम्मानका लागि बोर्डप्रति आभारी छु।’

फिन्च अस्ट्रेलियन टिमको कप्तान भएको र पूर्ण फिटहुँदै उनलाई टिम स्वागत गर्न आफूहरु तयार रहेको क्यारीले बताए । उनले फिन्चको अनुपस्थितिमा टिमलाई सफलता दिलाउन आफ्नो तर्पबाट सक्दो प्रयास गर्ने बताए ।
क्यारी पछिल्लो समय एकदिवसीयमा अस्ट्रेलियाको उपकप्तानका रुमा रहेका छन्।

Facebook Comments Box