मिलर चम्किँदा चेन्नईलाई हराउँदै गुजरात शीर्ष स्थानमा

SHARE TO:
Read Time:2 Minute

डेभिड मिलरले उत्कृष्ट प्रदर्शन गरेपछि आईपिएलमा गुजरात टाइटान्स विजयी भएको छ। आइतबार राति भएको खेलमा डेभिड मिलरले उत्कृष्ट ब्याटिङ गरेपछि गुजरागतले चेन्नाइ सुपर किंसमाथि विकेटको रोमाञ्चक जित निकालेको हो ।

पहिले ब्याटिङ गरेको चेन्नाइले गुजरातलाई १७० रनको लक्ष्य लिएको थियो । उक्त लक्ष्य गुजरातले १९।५ ओभरमा ७ विकेट गुमाएर भेटाएको हो ।

जितका लागि गुजरातका डेविड मिलरले एक्लै अविजित ९४ रनको योगदान गरे । खराब स्थितिमा पुगिसकेको गुजरातलाई अन्तिम ओभरमा १३ रन आवश्यक थियो । क्रिजमा रहेका मिलरले छक्का र चौथो प्रहार गरेपछि गुजरात जित नजिक पुग्यो । अन्तिम २ बलमा गुजरातलाई दुई रन नै आवश्यक थियो र मिलरले पाँचौं बलमै दुई रन लिएर जिताए ।

अन्तिम तीन ओभर बाँकी हुँदा गुजरात खराब स्थितमा थियो । १८ बलमा ४८ रन चाहिएको थियो । यो अवस्थामा कार्यवहाक कप्तान राशिद खानको तीन छक्का र एक चौका मद्दतमा गुजरातले २५ रन जोडेपछि खेल पक्षमा फर्कियो । रशिद २१ बलमा २ चौका र ३ छक्कासहित ४० रन बनाए।

चेन्नइका ड्वेन ब्राभोले चार ओभरमा एक मेडनसहित ३ तथा महेश थिक्सेनाले दुई विकेट लिए।

त्यसअघि पहिले ब्याटिङ गरेको चेन्नइले पूरै २० ओभर खेल्दै पाँच विकेटको क्षतिमा १६९ रन बनाएको थियो । ऋतुराज गायकवाडले ७३, अम्बाती रायुडूले ४६, रविन्द्र जडेजाले २२, शिभव दुवेले १९, रोबिन उथप्पाले ३ र मोईन अलीले एक रनको योगदान गरे ।

गुजरातका अल्जारी जोशेफले दुई, मोहम्मद शामी र यश दयालले एकरएक विकेट लिए ।

आफ्नो छैटौं खेलमा रोमाञ्चित जित निकालेको गुजरात १० अंकसहित तालिकाको शीर्षस्थानमा छ । चेन्नाइ भने ६ खेलमा पाँच हार व्यहोर्दै अंक दुई अंकका साथ तालिकाको ९औं स्थानमा छ ।

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
कमेन्ट गर्नुहोस्ः
SHARE TO:
Previous post सेभियामाथि रियलको पुनरागमन जित
Next post चेल्सी कपकाे फाइनलमा, उपाधिका लागि लिभरपुलसँग भिड्ने
Close