अपराजित रहँदै पाकिस्तान सेमिफाइनलमा, फाइनल प्रवेशका लागि अस्ट्रेलियासँग खेल्ने

युएई र ओमानमा जारी आईसीसी टि२० विश्वकपमा शतप्रतिशत जितसहित समूह विजेता हुँदै सेमिफाइनल प्रवेश गरेको छ। आइतबार राति भएको समूह दुईको अन्तिम तथा पाँचौं खेलमा स्कटल्याण्डलाई ७२ रनले पराजित गर्दै पाकिस्तान अपराजित रहँदै सेमिफाइलनमा पुगेको हो।

सुपर १२को समूह २ को विजेताका रुपमा सेमिफाइनल पुगेको पाकिस्तानले अब फाइनल प्रवेशका लागि समूह १ को उपविजेता अस्ट्रेलियाको सामना गर्ने छ। यता अर्को सेमिफाइनलमा समूह १को विजेता इंग्ल्यान्ड र समूह २ का उपविजेता न्युजिल्यान्ड भिड्ने छन्।

पहिले ब्याटिङ गरेको पाकिस्तानका क्याप्टेन बाबर अजाम र शोएब मलिकको अर्धशतक मद्दतमा १९० रनको लक्ष्य लिएको थियो । तर स्कटल्याण्डले पूरै ओभर खेल्दै ६ विकेट गुमाएर ११७ रन मात्रै बनाउन सक्यो ।

स्कटल्याण्डका रिचाइ बिरिङटनले ५४ रन बनाए भने जियोर्ग मुन्सीले १७, मिचेलले १४, कायल क्विटजरले ९, म्याथ्यु क्रसले ५, क्रिस ग्रिभ्सले ४ र मार्क वाट्ले २ रन जोडे । पाकिस्तानका शडाब खानले दुई तथा शाहीन शाह अफ्रिदी, हरिस राउफ र हसन अलीले समान एकरएक विकेट लिए।

यसअघि पहिले ब्याटिङ गरेको पाकिस्तानले क्याप्टेन बाबरको ६६ रन र शोयब मलिकको ५४ रन मद्दतमा १८९ रन बनाएको थियो । पाकिस्तानका लागि मोहम्मद हाफिसजले ३१, मोहम्मद रिजवानले १५, फकहर जमानले ८ र यासिफ अलिले ५ रनको योगदान गरेका गरेका थिए । स्कटल्याण्डका क्रिसले दुई, सफियान र हजाम तहिरले एकरएक विकेट लिएका थिए ।

Facebook Comments Box