Read Time:1 Minute

अन्तर्राष्ट्रिय क्रिकेट परिषद् आईसिसीले टी–२० टिम अफ दि इयर घोषणा गरेको छ। आईसिसीले बुधबार घोषणा गरेको टि–२० टिम अफ दी इयरमा पाकिस्तान र दक्षिण अफ्रिकाका सर्वाधिक ३ खेलाडीले स्थान बनाउँदा कुनै पनि भारतीय खेलाडी अटाउन सकेनन्।

आइसिसीले बुधबार पाकिस्तानका कप्तान बाबर अजामको कप्तानीमा‘टी२० टिम अफ दि इयर’ घोषणा गरेको हो। जसमा पाकिस्तानबाट बाबरसँगै विकेटकिपर मोहम्मद रिजवान र फास्ट बलर शाहिन शाह अफ्रिदी परेका छन् ।

टिम अफ दी इयरमा दक्षिण अफ्रिकाबाट टप अर्डर ब्याट्सम्यान एइडन माक्रम, फिनिसर डेभिड मिलरसँगै स्पिनर ताब्रेज शाम्सी परेका छन्।

यसैगरी अष्ट्रेलियाका अलराउन्डर मिचेल मार्श र फास्ट बलर जोस हाजलउडले टिममा स्थान बनाउँदा इंग्लयान्डका विकेटकिपर ब्याट्सम्यान जोस बटलर, श्रीलंकाका वानिन्दु हसरंगा र बंगलादेशबाट मुस्ताफिजुर रहमानले टिममा स्थान बनाएका छन्।