Read Time:1 Minute

श्रीलंकाविरुद्धको तीन खेलको एकदिवसीय सिरिज भारतले जितेको छ। बिहीबार इडेन गार्डेनमा भएको दोस्रो खेलमा ४ विकोटको जित निकाल्दै भारतले सिरिज १ खेल अवागै जितेको हो।

इडेन गार्डेनमा पहिला ब्याटिङ गर्दै श्रीलंकाले दिएको २१६ रनको सामान्य लक्ष्य भारतले ४३.२ ओभरमा ६ विकेट गुमाउँदै भेट्टायो । भारतका लागि केल राहुलले सर्वाधिक ६४ रन बनाए। लागतार विकेट गएपछि सम्हालिएर खेलेका राहुलले १०३ बल खेल्दै ६ चौका प्रहार गरे।

यस्तै, हार्दिक पाण्ड्याले ३६, शुभमन गिल र अक्षर पटेलले समान २१ रनको योगदान दिए। श्रीलंकाका चमिका मरुणारत्ने र लहिरु कुमाराले समान २ विकेट लिए।

त्यसअघि पहिला ब्याटिङ गरेको श्रीलंकाले ३९.४ ओभरमा अलआउट हुँदै २१५ रन मात्र बनाउन सक्यो । उसका लागि नुवानिन्दु फर्नान्डोले ५० रन बनाउँदा कुशल मेन्डिसले ३४ र दुनिथ वेलालागेले ३२ रनको योगदान दिए।

बलिङमा भारतका मोहम्मद सिराज र कुलदीप यादवले समान ३ विकेट लिए।

अन्तिम वान डे जनवरी १५मा तिरुवानथमपुरममा हुने छ।