आईपिएलको मेघा अक्सन हुँदै, पुराना टिमले ४ र नयाँ टिमले ३ खेलाडी राख्न पाउने

इन्डियन प्रियिमर लिग (आईपिएल)को १६औं संस्करण अघि मेघा अक्सन हुने भएको छ। आयोजक भारतीय क्रिकेट कन्ट्रोल बोर्ड (बिसिसिआई)ले २ टिम थपेसँगै आईपिएलका मेघा अक्सन हुने भएको हो ।

मेघा अक्सनअघि टिमले केही खेलाडी छान्न पाउने भएका छन्। जसमा पुराना टिमले ४ खेलाडी रिटेन गर्न पाउने छन् भने थपिएका २ नयाँ टिमले ३ खेलाडी छान्न पाउने छन्। रिटेन हुने नहुने अधिकार खेलाडीमा हुनेछ । खेलाडीले नचाहेमा टिमले उसलाई रिटेन गर्न पाउने छैन।

पुराना ८ टिमले बढी ४ मध्ये बढीमा ३ स्वदेशी खेलाडी अथावा २ स्वदेशी र २ विदेशी खेलाडी राख्न पाउने छन्। यसैगरी थपिएका दुई नयाँ टिम लखनउ र अहमदाबादले भने २ स्वदेशी र १ विदेशी खेलाडी राख्न पाउने छन्।

यो पटक अक्सनमा राइट टु म्याचको व्यवस्था भने हुने छैन । यो अवस्थामा अक्सनमा आफ्नो टिमको खेलाडी अर्को टिमले किनेलमा सो टिमले आफ्ना एक खेलाडी फर्काउने पाउने थियो। यस्तै, एक टिमले अक्सनमा ९५ करोड भारतीय रुपैयाँ खर्च गर्न पाउने छन्।

Facebook Comments Box