काठमाडौं किंग्सको प्रशिक्षकमा कलाम अली

काठमाडौं किंग्स इलावेनले आसन्न चौथो संस्करणको एभरेष्ट प्रिमियर लिग (इपिएल)का लागि कलाम अलीलाई मुख्य प्रशिक्षकमा नियुक्त गरेको छ। काठमाडौंले सामाजिक संजालमार्फत अलीलाई प्रशिक्षक नियुक्त गरिएको जनाएको छ ।

असोज ९ गतेदेखि २३ गतेसम्म टियु क्रिकेट मैदानमा हुने इपिएका लागि काठमाडौं सन्दीप लामिछानेलाई कप्तानमा बनाएको छ । काठमाडौंले पाकिस्तानका पूर्वकप्तान शाहिद अफ्रिदीलाई आइकोनिक खेलाडीका रुपमा अनुबन्धन गरेको छ।

प्रतियोगितामा ललितपुर प्याट्रिओट्स भैरहवा ग्ल्याडियटर्स, काठमाडौं किङ्स इलावेन, पोखरा राइनोज, चितवन टाइगर्स र विराटनगर वारिवर्स गरी ६ टिम सहभागी हुने छन्।

Facebook Comments Box