अन्तिम ओभरमा चम्किए कार्तिक त्यागी, पञ्जाबमाथि राजस्थानको २ रनको रोमाञ्चक जित

Read Time:2 मिनेट

युवा फास्ट बलर कार्तिक त्यागीले इनिङको अन्तिम ओभरमा सनसनीपूर्ण बलिङ गरेपछि आईपिएलमा राजस्थान रोयल्स विजयी भएको छ। त्यागीले अन्तिम ओभरमा उत्कृष्ट बलिङ गरेपछि रोमाञ्चक खेलमा राजस्थानले पञ्जाब किंग्समाथि २ रनको जित निकाल्यो।

१८६ रनको लक्ष्य पछ्याएको पञ्जाबलाई अन्तिम ओभरमा जितका लािग ४ रन मात्र चाहिएको थियो। र, उसँग ८ विकेट हातमा थियो। क्रिजमा सेट ब्याट्सम्यान निकोलस पुरन र एइडन मकरम थिए।

त्यागीको पहिलो बल मकरमाले डट खेले। दोस्रो बलमा उनले १ रन लिए । तेस्रो बलमा त्यागीले पुरनलाई विकेटकपिर सन्जु सामसनबाट क्याच आउट गराए । त्यागीको चौथो नयाँ ब्याट्सम्यान दीपक हुडाले डट खेले भने पाँँचौं बलमा हुडालाई पनि त्यागीले सामसनबाटै क्याच आउाट गराए। अन्तिम बलमा फाबियन एलनले पनि कुनै रन बनाउन सकेनन् र राजस्थानले २ रनको रोमाञ्चक जित निकाल्यो।

१८६ रनको लक्ष्य पछ्याउको पञ्जाबले उत्कृष्ट सुरुआत गरेको थियो। उसका लागि कप्तान केएल राहुल र मायंक अग्रवालले पहिलो विकेटका लागि ७२ बलमा १२० रनको साझेदारी गरेका थिए ।

अग्रवालले ४३ बलमा ७ चौका र २ छक्का प्रहार गर्दै ६७ रन बनाए भने राहुलले ३३ बलमा ४ चौका र २ छक्का प्रहार गर्दै ४९ रन बनाए । यस्तै, पुनले २२ बलमा ३२ रन बनाउँदा मकरमले २० बलमा २६ रन बनाए।

राजस्थानका त्यागीले ४ आभेरमा २९ रन खर्चेर २ विकेट लिए भने चेतक सकार्य र राहुल तेवातियाले समान १ विकेट लिए।

यसअघि राजस्थानले इनिङको अन्तिम बलमा अलआउट हुँदै १८५ रन बनायो । उसका लागि यजस्वी जैसवालले ३६ बलमा ६ चौका र २ छक्का प्रहार गर्दै ४९ रज बनाए भने महिमाल लोम्रोले १७ बलमा ४३ रनको योगदान दिए भने इभान लेविसले २१ बलमा ३७ रन बनाए । पञ्जाबका अर्षदीप सिंहले ५ विकेट लिए भने मोहम्द रामीले ३ विकेट लिए ।

प्रतियोगिता अन्तर्गत बुधबार दिल्ली क्यापिटल्लले सनराइजर्स हैदरावादसँग खेल्नेछ।

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post ए डिभिजन फुटसल लिग : रोमाञ्चक खेलमा संखमुल र स्पोर्ट्स क्यासलको बराबरी, सबिन मेमोरियलको पहिलो जित
Next post नेपालले कतारमा ओमानसँग मैत्रीपूर्ण खेल खेल्ने
Close