नेपाली महिला क्रिकेट टिमले घरेलु टोली मलेसियामाथि सहज जित निकलोको छ। बिहीबार बान्गीस्थित यूएडी–यूकेएम क्रिकेट ओभलमा भएको टि–२० सिरिजको खेलमा नेपालले मलेसियालाई २७ रनले हरायो।
यो जितसँगै ५ खेलको सिरिजमा नेपाली महिला टिमले २–१को अग्रता बनाएको छ। सिरिजको पहिलो खेलेमा मलेसिया ५ विकेटले विजयी भएको थियो भने दोस्रो खेल नेपालले ७ विकेटले जितेको थियो।
पहिला ब्याटिङ गर्दै नेपालले दिएको १११ रनको लक्ष्य पछ्याएको मलेसियाले २० ओभरमा ४ विकेटको क्षतिमा ८३ रन मात्र बनाउन सक्यो।
मलेसियाका लागि माहिरा इज्जती इस्मेलले अविजित ४४ रन बनाइन् । ५४ बल खेलेकी उनले मा ६ चौका प्रहार गरिन्। यस्तै, ओपनर विनीफ्रेड दुराइसिंगम २० रन बनाइन्।
मलेसियालाई रोक्न कविता कुँवर, सीता रानामगर र इन्दू बर्माले १–१ विकेट लिए । इन्दुले ३ ओभरमा ७ र कविताले ४ ओभरमा १० रन मात्र खर्चिए।
त्यसअघि टस हारेर ब्याटिङ गरेको नेपालका लागि कप्तान रुविना क्षेत्रीले सर्वाधिक २७ रन बनाइन्। रुविनाले १५ बलमा ३ चौका र १ छक्का प्रहार गरिन् ।
यस्तै, ज्योती पाण्डेले २४ बलमा ३ चौकासहित २३ रन बनाइन् भने ओपनर सीता रानामगर ३५ बलमा २१ रन बनाइन। इन्दु बर्माले २० रनको योगदान दिइन्। मलेसियाका लागि निक नुर अटिलाले सर्वाधिक २ विकेट लिइन्।
नेपाल र मलेसियाबीचको शनिबार चौथो र आइतबार अन्तिम खेल खेल्नेछ ।
