नेपाली क्रिकेट टिमको जर्सीलाई आईएनजी ग्रुपको प्रायोजन

नेपाली राष्ट्रिय क्रिकेट टिमको जर्सीलाई मोबाइल एप्लिकेसन उत्पादन कम्पनी आइएनजी ग्रुपले प्रायोजन गरेको छ। आइएनजीको मोबाइल एप्लिकेशन ‘माई सेकेन्ड टिचर’ले नेपाली राष्ट्रिय क्रिकेट टिमको जर्सीलाई १ वर्षका लागि प्रायोजन गरेको हो।

एक कार्यक्रमबीच नेपाल क्रिकेटसंघ क्यानले आइएनजी ग्रुपसँग सम्झौता गरेको छ । तर, सम्झौता रकम भने खुलाइएको छैन।

अब नेपाली टिमको जर्सीमा १ वर्षसम्म ‘माई सेकेण्ड टिचर’ र इस्लिङ्टन कलेजको लोगो प्रयोग हुनेछ ।

नेपालले त्रिकोणात्मक सिरिजबाटै ‘माई सेकेण्ड टिचर’ र इस्लिङ्टन कलेजको लोगो भएको जर्सी प्रयोग गर्ने छ। नेपाल, नेदरल्यान्ड्स र मलेसिया सम्मिलित त्रिकोणात्मक सिरिज वैशाख ४ गतेदेखि ११ गतेसम्म टियू मैदानमा आयोजना हुनेछ ।

यसैगरी सोमबार नै नेपाली क्रिकेट टिमको नयाँ जर्सी सर्वाजनिक गरियो । नयाँ जर्सी आईएनजी ग्रुपका संस्थापक सुलभ बुढाथोकी र राष्ट्रिय टिमका कप्तान ज्ञानेन्द्र मल्लले सार्वजनिक गरे ।

Facebook Comments Box

Leave a Reply

Your email address will not be published.