सामी, बुमराह र सिराज चम्किएपछि दोस्रो टेस्टमा भारतको सानदार जित

Read Time:3 Minute

तीन फास्ट बलर मोहम्मद सामी, जस्प्रित बुमाराह र मोहम्मद सिराज मिलेर बल र ब्याट दुवैमा उत्कृष्ट प्रदर्शन गरेपछि भारतले इंग्ल्यान्डलाई उसकै मैदानमा हराएको छ। लड्समा सोमबार सम्पन्न दोस्रो टेस्टको अन्तिम दिन सामी र बुमराहले ब्याटिङ तथा सिराजले बलिङमा उत्कृष्ट प्रदर्शन गरेपछि भारतले इंग्ल्यान्डमाथि १५१ रनको जित निकाल्यो।

यो जितसँगै भारतले ५ खेलको टेस्ट सिरिजमा १–०को अग्रता लिएको छ । वर्षाले प्रभावित पहिलो टेस्ट बराबरीमा सकिएको थियो। भारतलेको इंग्ल्यान्डमा सम्रगमा आठौं जित हो। यता, लड्समा भारतको तेस्रो जित हो।

अन्तिम दिन सामी र बुमराहको उत्कृष्ट ब्याटिङ मद्दतमा भारतले जितका लागि २७२ रनको लक्ष्य दिएको थियो । २७२ रनको लक्ष्य पछ्याएको इंग्ल्यान्ड ५१.५ ओभरमा १२० रनमै अलआउट भयो ।

इंग्ल्यान्डका लागि कप्तान जो रुटले सर्वाधिक ३३ रन बनाउँदा जोस बट्लरले २५ र मोइन अलीले १३ रन बनाउनु बाहेक अन्य ब्याट्सम्यानले दोहोरो अंकमा स्कोर बनाउन सकेनन् । इंग्ल्यानका दुवै ओपनर शुन्य रनमा आउट भएका थिए। टेस्ट क्रिकेटमा इंग्ल्यान्डका दुवै ओभर शुन्यमा आउट भएको यो पहिलो पटक हो।

इंग्ल्यान्डलाई सस्तैमा समेट्ने क्रममा भारतका मोहम्मद सिरिजाले १०.५ ओभरमा ३२ रन खर्चेर ४ विकेट लिए भने बुमरामले ३ र इशान्त शर्माले २ विकेट लिए।

यसअघि आठौं विकेटका लागि सामी र बुमराहले नटआउट ८९ रनको साझेदारी गरेपछि भारतले २९८–८मा इनिङ समाप्तिको घोषणा गर्दै इंग्ल्यान्डलाई २७२ रनको राम्रो लक्ष्य दिएको थियो । सामीले ७० बलमा ५६ रन बनाउँदा बुमराहले ६४ बलमा ३४ रन बनाए।

दोस्रो इनिङमा भारतका लागि अजिन्का रहाणेले सर्वाधिक ६१ रन बनाउँदा चेतेश्वर पुजाराले ४५ रनको योगदान दिए । इंग्ल्यान्डका मार्क उडले ३ तथा ओली रोबिन्सन र मोइन अलीले समान २ विकेट लिए।

यसअघि केएल राहुलको शतक मद्दतमा भारतले पहिलो इनिङमा ३६४ रन बनाएको थियो । उसका लागि राहुलले १२८ रन बनाए भने रोहित शर्माले ८३, कप्तान विराट कोहलीले ४२ र रविन्द्र जडेलाले ४० रन बनाए । इंग्ल्यान्डका जेम्स एन्डरसनले ५ तथा रोबिन्सन र उडले समान २ विकेट लिए।

कप्तान जो रुटले नटआउट १८० रन बनाएपछि इंग्ल्यान्डले पहिलो इनिङमा ३९१ रन बनाएको थियो। रुटका अलावा जोनी बेइस्टोले ५७ र रोए बुर्नसले ४९ रन बनाए। भारतका सिराजले ४ तथा इशान्त शर्माले ३ विकेट लिए।

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
almutairi-khawas-dhimal Previous post अल्मुताइरीको साफ च्याम्पियनसिप टिममा परेनन् भरत खवास र रञ्जित धिमाल
new-war-started-in-barcelona-laporta-bartomeu Next post बार्सिलोनामा सुरु भयो नयाँ ‘गृह युद्ध’!
Close