इंग्ल्यान्डको बंगलादेश भ्रमण स्थागित, टि–२० विश्वकपपछि हुन सक्ने

इंग्ल्यान्डको बंगलादेश भ्रमण स्थगित भएको छ। भारतविरुद्धको सिरिज लगत्तै इंग्ल्यान्डले बंगलादेश भम्रमण गर्ने कार्यक्रम थियो, तर दुवै देशको क्रिकेटको बोर्डको सल्लाहमा भ्रमण स्थगित भएको हो।

आगामी सेप्टेम्बर–अक्टोबरका लागि टि–२० र एकदिवसीय सिरिज तय भएको थियो । दुवै देशको क्रिकेट बोर्डले इंग्ल्यान्ड र बंगलादेशबीचको सिरिज तत्कालका लागि मात्र स्थगित भएको उल्लेख गरेका छन् । सिरिजको मिति पनि चाँडै तय हुने बताइएको छ।

‘सिरिज सन् २०२२ मै या सन् २०२३ को सुरुआतमै हुन्छ । सम्भवतः टि–२० विश्वकपपछि सिरिज हुने सम्भावना छ,’ बंगलादेश क्रिकेट बोर्डका कार्यकारी प्रमुख निजामुद्दित चौधरीले भने।