श्रीलंकासँगको हारसँगै एसिया कपबाट बाहिरियो नेपाल

युएईमा भइरहेको एसीसी यू–१९ एसिया कपबाट नेपाल बाहिरिएको छ। प्रतियोगितामा लागतार दुई हार बेहोरोपछि नेपाल बाहिरिएको हो।

समूह बीमा रहेको नेपाल पहिलो खेलमा बंगलादेशसँग १५४ रनले पराजित भएको थियो । नेपालले समूहको अन्तिम खेल कुवेतसँग खेल्ने छ। यो समूहबाट समान २ खेल जित्दै बंगलादेश र श्रीलंका सेमिफाइनलमा प्रवेश गरेका छन्।

आइतबार भएको खेलमा नेपाल श्रीलंकासंग ६० रनले पराजित भयो । श्रीलंकाले दिएको ३२३ रनको विशाल लक्ष्य पछ्याएको नेपालले ४७.५ ओभरमा सबै विकेट गुमाएर २६२ रन बनायो ।

नेपालको लागि विकेटकिपर अर्जुन साउदले सर्वाधिक ६४ रन बनाउँदा विवेक यादवले ४६, वासिर अहमदले ४३, बसन्त कार्कीले ३४ र कप्तान देव खनालले २८ रन बनाए । श्रीलंकाका रविन डे सिल्भा र माथिस पाथिरानाले समान ३ विकेट लिए ।

सारजहा क्रिकेट मैदानमा टस जितेर पहिले ब्याटिङ गरेको श्रीलंकाले ५० ओभरमा ४ विकेट गुमाएर ३२२ रन बनाएको थियो । श्रीलंकाका सदिशा राजापाक्षे र चामिन्दु विक्रमासंगेले शतक प्रहार गरेपछि श्रीलंकाले ठूलो योगफल बनायो ।

श्रीलंकाका लागि सदिशा राजपाक्षेले सर्वाधिक १३१ रन बनाए । यस्तै ओपनर चामिन्दु विक्रमासिंगेले १११ रन जोडे । ३९ रनमा पहिलो विकेट गुमाएका श्रीलंका लागि सदिशा र चामिन्दुले २२३ रनको शानदार साझेदारी गरे । नेपालका मोहम्मद आदील आलमले २ तथा कप्तान देव खनाल र विवेक यादवले समान १ विकेट लिए ।

Facebook Comments Box