म्याच फिक्सिङमा सफाइ पाएका खेलाडी भन्छन्– उर्जाशील समय खेर गयो, जिम्मा कसले लिन्छ ?

म्याच फिक्सिङका आरोप लागेका पूर्वकप्तान सागर थापा, डिफेन्डर सन्दीप राई र विकास सिंह क्षेत्री, गोलकिपर रितेश थापा, प्रशिक्षक अञ्जन केसी र फिजियो डजिव थापाले मंगलबार सफाइ पाए । म्याच फिक्सिङको आरोपमा प्रहरीले २०७२ असोज २७ गते पक्राउ परेका उनीहरुलाई मंगलबार सर्वोच्च अदालतले सफाई दिएको हो ।

२०७५ जेठ २४ गते विशेष अदालतले गरेको फैसलालाई सदर गर्दै न्यायाधीशद्वय डा.आनन्दमोहन भट्टराई र बमकुमार श्रेष्ठको संयुक्त इजलासले सागरसहित ६ जनालाई सफाइ दिएको हो ।

सफाइ पाएपछि प्रतिक्रिया दिँदै उनीहरूले सत्यको जित भएको बताएका छन् । ‘यो सत्यको जित हो, ढिलै भएपनि न्याए पाएका सबै खेलाडीहरु खुशी छौँ,’ उनीहरुको भनाइ छ ।

सर्वोच्च अदालले सफाइ दिएपछि सागर, सन्दीप र रितशले पुनः फुबटलमा फर्कने चाहना राखेका छन् । तर, उनीहरुलाई फुबटलमा फर्कन भने त्यति सहज छैन। किनभने उनीहरुलाई एएफसीले लगाएको आजीवन प्रतिबन्ध भने कायमै छ ।

पूर्वकप्तान सागर थापा पुनः राष्ट्रिष्य टिमका बाट खेल्न चान्हन्छन् । तर, त्यो निकै कठीन भएको उनले बुझेका छन् । ‘५ वर्ष फुटबलबाट टाढा भइयो, प्रतिबन्ध हटेपनि राष्ट्रिष्य टिममा फर्कन गाह्रो छ । तर, असम्भव भने होइन,’ सागर भन्छन्, ‘प्रतिबन्ध हटे राष्ट्रिय टिमबाट खेल्न प्रयास गर्ने छु । भयो भने भयो, नभए पनि राष्ट्रिय टिमको जर्सी लगाएर सन्यास लिन्छु ।’

अहिलेको अवस्थामा आफूहरुमाथि लागेको कालो दाग हटाउनु नै ठूलो कुरा भएको सन्दीपले बताए । सन्दीपले फुबटल करिअरको सबैभन्दा ‘पिक टाइम’ मैदान बाहिर बिताउन बाध्य भए ।

‘अहिलेसम्म फुटबलमै रमाइयो । बाँकी जीवन पनि यसमै रमाउन चाहन्छु । आजीवन प्रतिबन्धबाट मुक्त हुादै फुटबलमै फर्किने इच्छा छ,’ राष्ट्रिष्य टिमका पूर्व डिफेन्डर सन्दीप भन्छन्, ‘फुटबलका जुनुसकै पक्षमा जोडिएर रहन सक्छौं । फुटबल प्रतिबन्धबाट हटेपछि एकेडेमी सञ्चालनदेखि प्रशिक्षक, व्यवस्थापक हरेक कुरामा जोडिन सक्छौं ।’

राष्ट्रिय टिमका पूर्व नम्बर १ गोलकिपर रितेश थापाले अब पनि फुटबलमै लाग्ने बताउँदै आफूहरु माथि लागेको आजीवन प्रतिबद्ध हटाउनका लागि एन्फाले पहल गर्नुपर्ने बताए । ‘हाम्रो अभिभावक संस्था भनेकै एन्फा हो । अब एन्फाले नै त्यसमा पहल गर्नुपर्छ । एन्फा र सरकारले नै पहल गर्नुपर्छ,’ रितेशले भने ।

सागरको मत पनि यस्तै छ । उनले अदालतबाटै सफाइ पाइसएकाले अखिल नेपाल फुटबल संघ (एन्फा)ले आफूहरुका पक्षमा बोल्नेपर्ने बताए । ‘अब एन्फाले निष्पक्ष छानविन गर्नुपर्छ किनकी उसलाई सबै थाहा छ । एएफसीले आजीवन प्रतिबन्ध लगाएको छ, त्यो हट्नुपर्छ । त्यसबेला एउटा खेलाडीले जति सुविधा पाउँथे, त्यो पाउनुपर्छ,’ सागरले भने ।

सन्दीप एन्फालाई बाटो बनाएर फिफामा लड्नका लागि बाटो खुलेको बताउँछन् । क्षतिपूर्तिभन्दा पनि अबको हाम्रो लक्ष्य भनेको लाइफटाइम प्रतिबन्धविरुद्ध फिफासँग लड्नु भएको बताए ।

‘गम्भीर दाग लगाएर हामीलाई यत्रो वर्ष मैदानबाहिर राखियो । मेरो ६ वर्ष कसले फिर्ता गर्छ?’ सागरले आक्रोस पोखे, ‘करिअर एउटा उचााईमा थिए, सबैको माया सम्मान पाएको थिएँ । तर, अहिले सब उल्टो भयो, मानिसका अगाडि बोल्न समेत गाह्रो छ । भविश्य अन्धकार भयो । यसको जिम्मा कसले लिन्छ ? एन्फाले लिन्छ कि सरकारले ?’

आजीवन प्रतिबन्धविरुद्ध खेलाडीहरू ‘कोर्ट अफ आर्बिटेसन फर स्पोर्टस्’मा अपिल गर्न पाउँछन् । त्यहाँ अपिलका लािग महँगो शुल्का लाग्ने भएकाले त्यसका लागि एन्फा वा सरकारले पहल गर्नुपर्ने उनीहरु बताउँछन् । अपिलका लागि २५ हजार डलर लाग्छ । ‘त्यत्रो रकम तिर्न गाह्रो हुन्छ । यसको लागि एन्फा र सरकारले पहल गरिदिनुपर्छ,’ रितेश भन्छन् ।

पूर्वकप्तान सागर थापा कसैको व्यक्तिगत स्वार्थमा गम्भीर आरोप लगाउनु राम्रो नभएको बताउँछन् । उनी कसरी अगाडि बढ्ने विषयमा केही न सोचेको बताउँछन् । ५ वर्षपछि सफाइ पाएका सगारले प्रश्न गरे, हाम्रो उर्जाशील समय खेर गयो, यसको जम्मेवारी लिने हो ?

Leave a Reply

Your email address will not be published. Required fields are marked *