झापा गोल्डकपको फाइनल हेर्न अल्मुताइरी विर्तामोड जाने

SHARE TO:
Read Time:1 Minute

नेपाली राष्ट्रिय फुटबल टिमका मुख्य प्रशिक्षक अब्दुल्लाह अलमुताइरी झापा गोल्डकपको फाइनल हेर्न मैदानमै उपस्थित हुने भएका छन् । सोमबार हुने झापा–११ र त्रिभुवन आर्मीबीचको फाइनल हेर्न अल्मुताइरी आउने झापा आउने तय भएको आयोजकले जनाएको छ।

आयोजक समिति सदस्य सचिन सुब्बाले फाइनल हेर्न पाउनका लागि अल्मुताइरीको हवाई टिकट नै फिक्स भइसकेको बताए ।

पाँचौँ संस्करणको झापा गोल्डकपको फाइनलमा घरेलु टोली झापा–११ र त्रिभुवन आर्मी फुटबल क्लबबीच हुनेछ । दुवै टिम राष्ट्रिय खेलाडीले भरिभराउ छ । अल्मुताइरीले आफूले प्रशिक्षित गरेका खेलाडीको खेल गोल्डकपमा पनि हेर्नेछन् ।

झापा गोल्डकपको फाइनलमा आर्मी र झापाको यो चौथो भेट हो । यसअघि तीनवटै भेटमा आर्मीले झापाको उपाधि उचालेको छ । उसले दोस्रो, तेस्रो र चौथो संस्करणको झापा गोल्डकपमा उपाधि उचालेको थियो । यता, झापा भने हरेक संस्करणमा फाइनल पुगेपनि उपाधिबाट वञ्चित हुँदै आएको छ।

प्रतियोगिताको विजेताले १२ लाख ५५ हजार रुपैयाँ र उपविजेताले ६ लाख पाँच हजार रुपैयाँ नगद प्राप्त गर्नेछ । प्रतियोगिताको सर्वोत्कृष्ट खेलाडीले मोटरसाइकल पाउने आयोजकले जनाएको छ ।

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
कमेन्ट गर्नुहोस्ः
SHARE TO:
Previous post ब्रेथवेट भन्छन्– रुटले वेस्टइन्डिजको अपमान गरे
Next post उमा कुङ्फुमा बूढानीलकण्ठ टिम च्याम्पियन
Close