आयाक्सका किपर ओनानालाई एकवर्ष प्रतिबन्ध

डच क्लब आयाक्सका किपर अन्ड्रे ओनानामाथि एक वर्षको प्रतिबन्ध लागेको छ । डोपिङ परीक्षणमा असफल भएपछि २४ वर्षीय क्यामरुनाका किपर ओनानामाथि युईएफएले फुटबलसम्बन्धी सबै गतिविधिमा एक वर्षको प्रतिबन्ध लगाएको हो ।

ओनानाको डोपिङ परीक्षण गत अक्टोबरमा भएको थियो । गत अक्टोबरमै ओनानाले अस्वस्थ्य भएपछि श्रीमतीले प्रयोग गर्न औषधी प्रयोग गर्दा उनी डोपिङमा परेको डच क्लब आयाक्सले जनाएको छ । उनको मनासाय गलत नभएकाले उनको सजाय कम गर्न प्रयास गर्ने आयाक्सले जनाएको छ। प्रतिबन्धसँगै उनले आयक्सका सम्पूर्ण खेलका साथै अफ्रिका कप अफ नेसन्स पनि गुमाउने छन् ।

बार्सिलोनाको एकेडेमी लामासियाका उत्पादन ओनाना सन् २०१५मा डच क्लब आयाक्समा अब भएका थिए । त्यसयता उनले आयाक्सका लागि २०१ खेल खेलिरहेका छन् । उनले क्यामरुनबाट १८ खेल खेलका छन् ।

ओनानालाई भित्र्याउन युरोपका ठूला क्लबहरु बार्सिलोना, टोटनह्यामलगायतले चासो देखाएका छन्।

Facebook Comments Box

Leave a Reply

Your email address will not be published.