
एन्फा निर्वाचन असार ६ मा हुने
अखिल नेपाल फुटबल संघ (एन्फा)को नयाँ नेतृत्व चयनका लागि हुने निर्वाचन सरेको छ। यसअघि जेठ १५ गतेका लागि तय भएको निर्वाचन एन्फाले असार ६ गतेका लागि सारेको छ।
एन्फा महासचिव इन्द्रमान तुलाधरले फिफा र एएफसीसँगको छलफलपछि निर्वाचन मिति सारिएको बताए । उनले निर्वाचन सारिएको विषयमा कार्यसमिति, जिल्ला संघ र क्लबहरूलाई जानकारी गराइसकिएको पनि बताए ।
एन्फाले २० औं विशेष साधारण सभाले निर्वाचनका लागि अधिवक्ता श्रीराम दवाडीको संयोजकत्वमा निर्वाचन समिति गठन गरेको थियो ।