यो वर्षका बालोन डे’ओर अवार्डका लागि ३० खेलाडीको सूची सार्वजनिक भएको छ।
फ्रान्स फुटबल म्यागाजिनले गएराति सार्वजनिक गरेको उक्त सूचीमा स्टार खेलाडीहरु क्रिस्टियानो रोनाल्डो र नेमार जुनियर अटाउन सकेनन्।
रोनाल्डो अघिल्लो सिजन नै साउदी क्लब गएको र राष्ट्रिय टिमबाट खासै उत्कष्ट प्रदर्शन गर्न नसेपछि सूचीमा नपरेका हुन। यस्तै नेमारले विश्वकपमा ठिकठाक प्रदर्शन गरेपछि त्यसपछि चोटका कारण मैदान बाहिर रहेका कारण सूचीमा नअटाएका हुन्।
युरोपियन लिग खेल्ने खेलाडीहरुको बाहुल्य रहेको सूचीमा अमेरिकन क्लब गएका अर्जेन्टिनाका विश्वकप विजेता लिओनल मेसी मुख्य दाबेदारको रुपमा छन् । गत वर्ष अर्जेन्टिनालाई आफ्नै कप्तानीमा विश्वकप जिताएका मेसी कीर्तिमानी आठौं पटक बालोन डे’ओर जित्ने दाबेदारको रुपमा छन् ।
आगामी अक्टोबर ३० मा अवार्ड कार्यक्रम आयोजना हुनेछ।
काे-काे परे मनाेनयनमा?
जुलियन अल्भारेज, निकोलो बरेया, जुड बेलिङहम, करिम बेन्जेमा, यासिन बोनोउ, केभिन डे ब्रुएना, रुबेन डियाज, एन्टोनी ग्रीजमन, इल्के गुन्डोगान, जस्को भार्भिढोल, एर्लिङ हालान्ड, ह्यारी केन, रान्डल कोलो मुएनी, केभिचा केभारत्खेलिया, रोबर्ट लेवान्डोस्की, एमिलियानो मार्टिनेज, लाउटारो मार्टिनेज, केलिएन एमबाप्पे, लिओनल मेसी, किम मिन जाए, लुका मोडरिक, जमल मुसिएला, मार्टिन ओडेगार्ड, आन्द्रे ओनाना, भिक्टर ओसिमहेन, रोड्री, बुकायो साका, मोहमेद सलाह, बर्नार्डो शिल्भा, भिनिसियस जुनियर ।
