अन्तिम दुई मिनेटमा दुई गोल गर्दै बार्सिलोना विजयी

जाभाी हर्नान्डेजको प्रशिक्षमा बार्सिलोनाले ला लिगामा लगातार दोस्रो जित निकालेको छ। शनिबार राति भएको खेलमा अन्तिम २ मिनेटमा २ गोल गर्दै बार्सिलोनाले भिल्लारियललाई उसकै मैदानमा ३–१ले हरायो।

मेम्फिस डिपाएर र फिलिप काउटिन्होले अन्तिम दुई मिनेटमा गोलरेका थिए भने त्यसअघि फ्यांकी डि योङले गोल गरेका थिए । भिल्लारियलका सामुअल चुक्वेसाले गोल गरेका थिए।

पहिलो हाफ गोलरहित बराबरीमा सकिएको खेलमा डी योङले गोल गर्दै बार्सिलोनालाई अग्रता दिलाएका थिए । ७६औं मिनेटमा चुक्वेसाले गोल गरेपछि १–१ गोलको बराबरीमा आयो।

बराबरीतर्फ अघि बढिरहेको खेलको ८८औं मिनेटमा डिपाएले गोल गर्दै बार्सिलोनालाई अग्रता दिलाए । इन्जुरी टाइममा काउटिन्होले पेनाल्टीमा गोल गरेपछि बार्सिलोनाले ३(१ ले खेल जितेको हो ।

जितपछि १४ खेलबाट २३ अंक जोडेको बार्सिलोना सातौं स्थानमै यथावत छ । भियारियाल १४ खेलबाट १६ अंकसहित १२औं स्थानमा छ ।

Facebook Comments Box