Read Time:3 Minute

इंग्लिस क्लब म्यानचेष्टर सिटी र जर्मन क्लब बायर्न म्युनिख च्याम्पियन्स लिगको अन्तिम १६ मा प्रवेश गरेका छन् । समूह चरणमा लगातार चौथो जित हात पारेपछि दुई खेल बाँकी छँदै सिटी र बायर्न अन्तिम १६मा प्रवेश गरेका हुन् । लगातार चौथो जित निकाल्ने क्रममा सिटीले ग्रीक क्लब ओलम्पियाकोसलाई १-०ले हरायो भने बायर्ननले सल्जवर्ग माथि ३-१को जित निकाल्यो ।

समूह ए अन्तर्गत गएराति भएको खेलमा बायर्नले १० खेलाडी रहेर पनि साल्जवर्गलाई ३-१ ले पराजित गरेको हो । घरेलु मैदान ४३औं मिनेटमा रोबर्ट लेवान्डोस्कीले गोल गर्दै बायर्नलाई पहिले अग्रता दिलाएका थिए । ५२औं मिनेटमा किंग्सले कोमनले गोल गर्दै बायर्नको अग्रता दोब्बर पारे ।

६६औं मिनेटमा मार्क रोका रातो कार्ड पाउँदै मैदानबाट बाहिरिएपछि बायर्न १० खेलाडीमा सीमित भएको थियो । तर यसले बायर्नलाई असर गरेन । ६८औं मिनेटमा लिरोए सानेले गोल गर्दै बायर्नलाई ३-० को अग्रता दिलाए । साल्जवर्गका लागि ७३औं मिनेटमा मेर्गिम बेरिशाले सान्त्वना गोल फर्काए ।

जितपछि समूहमा अपराजित रहेको बायर्नले ४ खेलबाट १२ अंक जोडेको छ र शीर्ष स्थानमा छ । १ अंक मात्र रहेको साल्जवर्ग चौथो स्थानमा छ । ४ खेलबाट ५ अंक रहेको एट्लेटिको दोस्रो स्थानमा छ भने ३ अंक रहेको लोकोमोतिभ तेस्रो स्थानमा छ । यसै समूहको अर्को खेलमा स्पानिस क्लब एट्लेटिको मड्रिडले रसियन क्लब लोकोमोतिभ मस्कोसँग गोलरहित बराबरी खेल्दै अंक बाँडेको छ ।

म्यानचेष्टर सिटीले समूह सीमा लगातार चौथो जित हात पार्दै अन्तिम १६ मा स्थान बनाएको हो । गएराति भएको खेलमा सिटीले ग्रीक क्लब ओलम्पियाकोसलाई १-० ले हरायो । सिटीका लागि फिल फोडेनले ३६औं मिनेटमा गरेको गोल निर्णायक बनेको थियो ।

जितपछि ४ खेलबाट १२ अंक जोडेको सिटी शीर्ष स्थानमा छ । यसै समूहको अर्को खेलमा पोर्चुगिज क्लब एफसी पोर्टोले फ्रेन्च क्लब मार्सेलाई २-० ले पराजित गरेको छ । जितपछि पोर्टो अन्तिम १६ को नजिक पुगेको छ ।

अब बाँकी दुई खेलमध्ये पोर्टोले १ अंक जोडेमात्र पनि समूह चरण पार गर्नेछ । ४ खेलबाट ९ अंकसहित पोर्टो दोस्रो स्थानमा छ । समान खेलबाट ३ अंकसहित ओलम्पियाको तेस्रो स्थानमा छ । लगातार चौथो हार व्यहोरेको मार्से भने अकविहीन हुँदै चौथो स्थानमा छ ।