टोटनहमलाई हराउँदै चेल्सी कारबाओ कपको फाइनलमा

चेल्सी काराबाओ कपको फाइनलमा प्रवेश गरेको छ । टोटनहममाथि समग्रमा ३–०को जित निकाल्दै चेल्सी उपाधि नजिक पुगेको हो।

बुधबार राधि भएको दोस्रो खेलमा चेल्सीले टोटनहमलाई १–०ले हरायो । चेल्सीको जितमा एन्टोनियो रुडिगरले १८औं मिनेटमा गरेको गोल नै निर्णायक बन्यो । उनले मेसन माउन्टको पासमा गोल गरेका थिए।

यसअघि पहिलो खेलमा चेल्सी २–०ले विजयी भएको थियो ।

अब चेल्सीले उपाधिका लागि लिभरपुल र आर्सनलबीचको विजेतासँग २७ फेब्रुअरीमा प्रतिस्पर्धा गर्नेछ। लिभरपुल र आर्सनलबीचको दुवै लेगको खेल बाँकी रहेको छ। पहिलो लेग बिहीबार राति तथा दोस्रो लेग २० जनवरीको राति हुनेछ।

Facebook Comments Box