क्रिस्टल प्यालेससँग आर्सनलको लज्जास्पद हार

Read Time:1 Minute

इंग्लिस प्रिमियर लिगमा आर्सनलले लज्जास्पद हार बेहोरेको छ। लिगअन्तगृत सोमबार राति भएको खेलमा आर्सनल क्रिस्टल प्यालेससँग ३–०को लज्जास्पद हार बेहोर्न बाध्य भयो ।

क्रिस्टल प्यालेको जितमा जिन फिलिपे मटेटा, जोर्डन एयु र वेलफ्रेड जाहाले गोल गरे । घरेलु मैदानमा १६औं मिनेटमा जिन फिलिपे मटेटामो गोलमा क्रिस्टल प्यालेसले अग्रता लियो। उनले जोआचिम एन्डरसनको पासमा गोल गर्न सफल भएका थिए ।

२४औं मिनेटमा जोआचिम एन्डरसनकै पासमा जोर्डन एयुले गोल गर्दै क्रिस्टल प्यालेसको अग्रता दोब्बर बनाए। ७४औं मिनेटमा वेलफ्रेड जाहाले पेनाल्टीमा गोल गर्दै घरेलु टोलीको जित पक्का गरे । मार्टिन ओडेगार्डले पेनाल्टी बक्समा जाहालाई फउल गरेपछि रेफ्रीले क्रिस्टल प्यालेसलाई पेनाल्टी पाएको थियो।

यो जितसँगै क्रिस्टल प्यालेस ३० खेलबाट ३७ अंक जोडेर नवौं स्थानमा उक्लिएको छ । पराजित आर्सनलले चौथो स्थानमा उक्लने मौका गुमायो । उल ५४ अंकसहित पाँचौं स्थानमा छ।

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post शीर्ष स्थानको एसी मिलान घरमै रोकियो
Next post श्रीलंकन क्लबसँग खेल्दै मछिन्द्र
Close