चाइनिज लिग जुलाई चौथो साताबाट सुरु हुने

कोरोना भाइरसका कारण स्थागित चाइनिज सुपर लिग आगामी जुलाई अन्तिम साताबाट सुरु हुने भउको छ । कोरोना भाइरसको महामारीका कारण स्थगित भएको लिग जुलाई २५ देखि सुरु हुने चाइनिज फुटबल संघले बुधबार जनाएको छ ।

१६ टिमले प्रतिस्पर्धा गर्ने लिग गत फेब्रुअरीमा सुरु हुने तय थियो । तर अब १६ टिमलाई दुई समूहमा विभाजन गरेर लिग आयोजना गरिने भएको छ । एक समूहको खेल उत्तरी सहर डालियनमा हुनेछ भनेर अर्को समूहको लिग संघाई नजिक सुजोउमा हुने संघले जनाएको छ ।

चाइनिज फुटबल संघले लिग सञ्चालन गर्दा कोरोना महामारीबाट बच्नका लागि आवश्यकता अनुसारको स्वास्थ्य सुरक्षा मापदण्डलाई कडाइका साथ पालन गर्ने जनाएको छ ।

फेब्रुअरी २२ मा सुरु हुने भनिएको चाइनिज सुपर लिग कोरोना महामारीका कारण स्थगित बन्न पुगेको थियो भने नयाँ सिजन समेत अनिश्चित कालको लागि स्थगित गरिएको थियो ।

फिफा विश्वकप विजेता इटालियन पूर्व कप्तान फाबियो कानभारो प्रशिक्षक रहेको ग्वान्जाउ एभरउरेड लिगको डिफेन्डिङ च्याम्पियन हो ।

Facebook Comments Box

Leave a Reply

Your email address will not be published.