फिफा वरियतामा नेपाल ३ स्थानमाथि उक्लियो

Read Time:1 Minute

फिफा वरियतामा नेपालले स्थान सुधार गरेको छ। आजै फिफाले अपटेड गरेको वरियतामा नेपाल ३ स्थान सुधार गर्दै १६८औं स्थानमा आएको छ । यसअघि नेपाल १७१औं स्थानमा थियो।

विश्वकप र एसियन कपको दोस्रो चरणको छनोटमा गरेको प्रदर्शनका आधारमा नेपालले फिफा वरियतामा ३ स्थान सुधार गरेको हो। नेपालको ९७२ अंक छ।

दक्षिण एसियाको शीर्ष स्थानमा भारत छ। तर, ऊ वरियतामा १०५औं स्थानमा छ। दक्षिण एसियाको दोस्रो स्थानमा माल्दिभ्स छ। उ १५८औं वरियतामा छ । नेपाल तेस्रो स्थानमा छ। नेपालभन्दापछि भुटान १८७, बंगलादेश १८८, पाकिस्तान १९८ र श्रीलंका २०५औं स्थानमा छ।

यसैगरी फिफ वरियतामा बेल्जियम शीर्ष स्थानमा यथावत नै छ । एक स्थान सुधार गर्दै ब्राजिल वरियताको दोस्रो स्थान आएको छ भने एक स्थान तल झर्दै फ्रान्स तेस्रो स्थानमा आइपुगेको छ। यस्तै, इंग्ल्यान्ड चौथो स्थानमा यथावत रहँदा युरोकप विजेता पाँचौं स्थानमा छ । यस्तै, अर्जेन्टिना छैठौं, स्पेन सातौं, पोर्चुगल आठौं, मेक्सिको नवौं र अमेरिका १०औं स्थानमा छ।

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post विक्रम लामाले गरे थ्री स्टारसँग सम्झौता नवीकरण
Next post श्रीलंका भ्रमणका लागि दक्षिण अफ्रिकी बावुमाको कप्तानीमा टिम घोषणा, परेनन् डि कक, मिलर र एनगिडी
Close