रोनाल्डोविनाको युभेन्ट्स रोकियो

आफ्ना स्टार स्ट्राइकर क्रिस्टियानो रोनाल्डोविना मैदान उत्रिएको डिफेन्डिङ च्याम्पियन युभेन्ट्स बराबरीमा रोकिएको छ । सिरि एअन्तर्गत शनिबार राति भएको खेलमा कोरोना संक्रमण देखिएपछि रोनाल्डोलाई गुमाएको युभेन्ट्स क्रोटोनसँग १–१ गोलको बराबरीमा रोकियो ।

इन्टरनेशनल ब्रेकका क्रममा रोनाल्डोलाई गत साता कोरोना संक्रमण देखिएको थियो । युईएफए नेसन्स लिगको स्वीडेनविरुद्धको खेलअघि रोनाल्डोलाई संक्रमण पुष्टी भएको थियो । अहिले रोनाल्डो टुरिनमै सेल्फ आइसोलेसनमा बसेका छन् । उनी च्यापियन्स लिगअन्तर्गत बार्सिलोनाविरुद्धको खेलमार्फत मैदान फर्कने अपेक्षा छ ।

खेलका दुवै गोल पहिलो हाफमै सम्भव भएको थियो । क्रोटोनका सिमेओन नमान्कोले १२औं मिनेटमा गोल गर्दै टिमलाई सुरुवाती अग्रता दिलाएका थिए । उलने लियोनार्दो बोनुचीले डिबक्मा फाउल गरेपछि प्राप्त पेनाल्टीमा नमान्कोले गोल गरेका थिए ।

२१औं मिनेटमा अल्भारो मोराटाले गोल गर्दै खेललाई बराबरीमा ल्याएका थिए । उनले फेडेरिको चेइसको पासमा गोल गरेका थिए । डेब्यू खेलाडी चेइसले ६०औं मिनेटमा रातो कार्ड पाएपछि युभेन्ट्स १० खेलाडीमा सीमित बनेको थियो ।

यसैगरी अर्को खेलमा एसी मिलानले इन्टर मिलानलाई २–१ले पराजित गरेको छ । एसी मिलानको जितमा दुवै गोल ज्लाटन इब्राहिमोविचले गरेका थिए भने इन्टरका रोमेलु लुकाकुले गरेका थिए । तीनै गोल पहिलो हाफमा सम्भव भएको थियो ।

यस्तै अन्य खेलमा नापोलीले एट्लान्टालाई ४–१ले पारजित गर्दा लाजियो साम्पडोरियासँग ३–०ले स्तब्ध भयो । नापोलीको जितमा हिर्विङ लोजानोले २ गोल गरे भने माटेओ पोलिटाने र भिक्टर ओसिम्हेनले समान १ गोल गर्दा एट्लान्टाका साम लामेर्सले गोल गरेका थिए । साम्डोरियाको जितमा फाबियो क्युग्लिअरिया, टोमासो अग्युलो र मिकेल डाम्सग्राडले गोल गरे ।

Leave a Reply

Your email address will not be published. Required fields are marked *

CLICK HERE TO SKIP