म्याराडोनाको जर्सी ९ मिलियनमा लिलामी

Read Time:1 Minute

सन् १९८६ को विश्वकपमा इंग्ल्याण्डविरुद्ध हातले गोल गर्दा स्वर्गीय डिएगो म्याराडोनाले लगाएको जर्सी विश्व खेलकुद जगतकै महंगो मूल्यमा लिलामी भएको छ । बुधबार अक्सनमार्फत अर्जेन्टिनी सुपरस्टारले लगाएको जर्सी ८.९३ मिलियन डलरमा लिलामी भएको हो ।

विश्वकप क्वाटरफाइनलमा उनले सो जर्सीलगाएका थिए । मेक्सिकोमा भएको विश्वकपको सो खेलमा सोही जर्सी लगाएर उनले २ गोल गरेका थिए । दोस्रो हाफको छैटौं मिनेटमा आफूले गरेको गोललाई म्याराडोना आफैंले ‘ह्यान्ड अफ गड’को उपमा दिएका थिए ।

पहिलो गोलको चार मिनेट पश्चात फेरी बल ड्रिबल गर्दै दोस्रो महत्वपूर्ण गोल गरेका थिए । खेलपछि उनको त्यो महत्वपूर्ण जर्सी इङ्ल्यान्डका खेलाडी स्टिभ होजले पाएका थिए । होजले इंग्ल्याण्ड फुटबल म्युजियमलाई हस्तान्तरण गरेको जर्सी १९ वर्षपछि लिलामी गरिएको हो ।

जर्सी किन्ने व्यक्ति वा संस्थाको नाम गोप्य राखिएको छ । जर्सी लिलामी गर्ने संस्था सोथवीका स्ट्रिटवेयरले यो ऐतिहासिक जर्सी खेलकुद इतिहासमा मात्रै नभई २०औं शताब्दीको एउटा महत्वपूर्ण क्षणको मूर्त सम्झना भएको बताएको छ।

यता, म्याराडोनाकी छोरी र पूर्वपत्नीले भने सो जर्सी उनले खेलको पहिलो हाफमा लगाएको हुनाले सही जर्सी लिलामी नभएको दावी गरेका छन् । उनीहरुले गोल गर्दा लगाएको जर्सी अर्कै भएको दाबी गरेका हुन् ।

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post रोड्रिगो चम्किँदा सिटीमाथि रियलको पुनरागमन जित, १४औं उपाधि नजिक रियल
Next post सि डिभिजन लिगमा आरसी ३२ को जित, शीर्ष स्थानमा उक्लियो
Close