एम्बाप्पेको ह्याट्रिकमा बार्सिलोनामाथि पिएसजीको सानदार जित

किलिएन एमबाप्पेले ह्याट्रिक गरेपछि च्याम्पियन्स लिग अन्तर्गत अन्तिम १६ को पहिलो लेगमा फ्रेन्च क्लब पेरिस सेन्ट जर्मेन (पीएसजी)ले स्पानिस क्लब बार्सिलोनामाथि उसकै शानदार जित हात पारेको छ । आफ्ना स्टार खेलाडीहरु नेमार र एन्जेल डि मारिया बिनै बार्सिलोना भ्रमणमा भएको पिएसजीले बासिलोनामाथि ४–१को सानदार जित निकाल्यो।

क्याम नेउमा सुरुवाती सुरुवाती अग्रता लिएर पनि बार्सिलोना लज्जास्पद हाल बेहोर्न बाध्य भयो । पिएसजीको जितमा एम्बाप्पेको ह्याट्रिकसँगै मोइस किनले १ गोल गरे । बार्सिलोनाका कप्तान लियोनल मेसीले गोल गरेका थिए ।

क्याम्प नोउमा खेलको २७औं मिनेटमा कप्तान लिओनल मेसीले गोल गर्दै बार्सिलोनालाई अग्रता दिलाएका थिए । बार्सिलोनाका फ्यांकी डि योङलाई कुर्जुवाले लडाएपछि बार्सिलोनाले पेनाल्टी पाएको थियो । तर ३२औं मिनेटमा मार्कौ भेराटीको पासमा एमबाप्पेले गोल गर्दै खेललाई बराबरीमा ल्याए।

दोस्रो हाफमा पीएसजीले तीन गोल गर्‍यो । जसमा एमबाप्पेले दुई गोल गर्दै ह्याट्रिक पूरा गरे । ६५औं मिनेटमा एमबाप्पेले व्यक्तिगत दोस्रो गोल गर्दै पीएसजीलाई २–१ को अग्रता दिलाए । ७०औं मिनेटमा मोइस केनले पीएसजीको लागि तेस्रो गोल गरे । ८५औं मिनेटमा एमबाप्पेले ह्याट्रिक पूरा गर्दा पीएसजी ४–१ ले विजयी भयो ।

खेलमा ५३ प्रतिशत बल पोजेसन बनाएको थियो। उसले पिएसजीको पोष्टमा १२ सट प्रहार गर्दा ४ सट फ्रेममा थियो। यता पिएसजीले १६ सट प्रहार गरेकोमा ९ सट फ्रेममा थियो।

Facebook Comments Box

Leave a Reply

Your email address will not be published.