Read Time:1 Minute

पोखरा रंगशालालाई घरेलु मैदान भएको मनाङ मर्स्याङ्दी क्बले तीनवटा खेला घरेलु मैदानमा खेल्न पाउने भएको छ। मनाङसँग पोखरामा खेल्न क्लबहरूले पनि समहति दिएपछि मनाङले लिगका तीन खेल पोखरामा खेल्ने भएको हो।

अखिल नेपाल फुटबल संघ (एन्फा)ले पहिलो पटक लिग काठमाडौं बाहिर खेलाउन मनाङको प्रस्तावमा सहमति दिएको हो। पाँचौंदेखि सातौं चरणसम्म मनाङले खेल्ने तीन खेल पोखरामा हुने एन्फा महासचिव इन्द्रमान तुलाधरले बताए । यसका लागि तयारी भइरहेको उनले बताए।

ती तीन खेलमा मनाङले नेपाल पुलिस क्लब, ब्रिगेड ब्वाइज र च्यासल युथ क्लबसंग पोखरामा खेल्नेछ ।

तीन चरणको खेल त्रिपुरेश्वरस्थित दशरथ रंगशालमा आयोजना भएको लिगको चौथो चरणको खेल पनि दशरथ रंगशालामै हुनेछ । एन्फाले लिग च्यासल र एन्फा कम्प्लेक्समा पनि खेलाउने तयारी गरेको छ।