रेलिगेसन जोनबाट बाहिरिँदै पुलिस, च्यासलमाथि थप दबाब

Read Time:1 Minute

सहिद स्मारका ए डिभिजन लिगमा विभागीय टिम नेपाल पुलिस क्लब विजयी भएको छ। बुधबार भएको खेलमा रवि पासवान चम्किएपछि पुलिसले च्यासलमाथि २–१को जित निकाल्यो।

गत माघ २ कै लागि तय भएको खेल च्यासलका खेलाडीमा कोरोना संक्रमण देखिएपछि स्थगित गरिएको थियो ।

च्यासलविरुद्धको यो जितसँगै विभागीय टिम पुलिसको रेलिगेशन खतरा टरेको छ। उ १० अंक सहित १०औं स्थानमा उक्लेको छ। यता, च्यासललाई भने रेलिगेसनको झनै ठूलो दबाब परेको छ। ऊ ५ अंक जोड्दै पुछारबाट दोस्रो स्थानमा छ ।

दशरथ रंगशालामा भएको खेलमा रविले दुवै हाफमा समान एक गोल गरे । च्यासलका लागि विदेशी खेलाडी माउसा अबागानाले एक गोल फर्काए ।

३७ औं मिनेटमा निरकुमार राईको पासमा रविकुमार पासवानले गोल गर्दै पुलिसलाई अग्रता दिलाए। ५३ औं मिनेटमा पेनाल्टीमार्फत च्यासलले बराबरी गोल फर्काएको थियो ।

पुलिसका कप्तान सुमन सुवेदीले रुमेश बर्तौलालाई फाउल गरेपछि च्यासलले पेनाल्टी पाएको थियो र त्यसमा माउसा अबागानाले गोल गरेका हुन् ।

७० औं मिनेट पासवानले व्यक्तिगत दोस्रो गोल गरेपछि पुलिसले पुनः अग्रता लियो । त्यसपछि दुवै टिमबाट गोल नहुँदा पुलिस विजयी भयो।

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post पुछारको बर्नलीसँग रोकियो युनाइटेड, न्युकासलसँग एभर्टन पराजित
Next post धम्मिका श्रीलंकाबाटै ओमान जाने
Close