Read Time:1 Minute

नेपाल सुपर लिग (एनएसल)को दोस्रो संस्करण चैत तेस्रो साताबाट सुरु हुँदैछ। पहिलो संस्करणमा ७ टिम सहभागी थिए भने यो पटक १० टिम सहभागी बताइएको छ।

थप हुने टिम टिम छान्नका लागि आयोजक नेपाल स्पोर्टस म्यानेजमेन्ट एण्ड इभेन्ट कम्पनीले आगामी शुक्रबार अक्सन गर्ने भएको छ ।

नयाँ तीन टिम थप्ने प्रक्रिया अघि बढेको र तीन शहरको नामको अधिकार बेच्ने गृहकार्य अघि बढिरहेको नेपाल स्पोर्टस म्यानेजमेन्टका निर्देशक श्रेयांश कार्कीले बताए । टिम किन्न इच्छुक व्यक्ति तथा कम्पनीसँग प्रस्ताव गरेर छलफल भइरहेको र नयाँ टिमका लागि मधेश प्रदेश र कर्णाली प्रदेशलाई प्राथामिकतामा राखिएको उलने बताए।

आयोजकले इच्छुक व्यक्ति तथा कम्पनीलाई टिमको नाम सहित प्रस्ताव पेश गर्न आग्रह गरेको छ । कम्पनीलाई प्राप्त हुने प्रस्तावलाई हेरेर अक्सनमा समावेश गरिने नेपाल स्पोर्टस म्यानेजमेन्टले जनाएको छ ।