नेपाली महिला फुटबल टिमले बंगलादेशसँग मैत्रीपूर्ण खेल खेल्ने

Read Time:1 मिनेट

एएफसी महिला एसियन कप छनोटको तयारीमा रहेको नेपाली महिला फुटबल टिमले बंगलादेशसँग मैत्रीपूर्ण खेल खेल्ने भएको छ। महिला एसियन कप छनोटको तयारीका स्वरुपले नेपालले घरेलु मैदानमा बंगलादेशसँग २ मैत्रीपूर्ण खेल खेल्ने तय भएको एन्फाले जनाएको छ।

एन्फाका अनुसार नेपालले दशरथ रंगशलामा आगामी भदौ २४ र २७ गते मैत्रीपूर्ण खेल खेल्ने छ । महिला एसियन कप छनोटको तयारीका लागि मैत्रीपूर्ण खेल खेल्न लागिएको एन्फाले जनाएको छ।

एएफसी महिला एसियान कप छनोटमा नेपाल समूह एफमा छ । यो समूहमा नेपाल, फिलिपिन्स र हङकङ छन् । उज्वेकिस्तानमा हुने छनोटको पहिलो खेलमा नेपालले फिलिपिन्ससँग सेप्टेम्बर १८मा खेल्ने छ।

नेपालले छनोटको दोस्रो खेल हङकङसँग सेप्टेम्बर २१मा खेल्ने छ । समूहको अन्तिम खेल फिलिपिन्स र हङकङबीचको खेल सेप्टेम्बर २४ मा हुनेछ।

छनोटको समूह एफको छनोट खेल नेपालमै आयोजना हुने तय थियो । अन्तिम समयमा कोरोनाको कारण देखाउँदै छनोट खेल नेपालबाट उज्वेकिस्तान सारिएको हो।

एसियन कप छनोटका लागि बुधबार मात्र मुख्य प्रशिक्षक ग्यारी फिलिप्सले २३ सदस्यीय नेपाली टिम घोषणा गरेका छन्।

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post विश्वकप लिग–२ मा नेपालको पहिलो खेल अमेरिकासँग
Next post तेस्रो टेस्टको पहिलो इनिङमा भारतको खराब ब्याडिङ, पुरै टिम ७८ रनमै अलआउट
Close