साफ च्याम्पियनसिपकाे उपविजेता नेपाली टिमको फिफा वरियता खस्कियो

दक्षिण सबैभन्दा प्रतिष्ठित फुटबल प्रतियोगिता साफ च्याम्पियनसिपमा पहिलो पटक फाइनल पुग्दै उपविजेता बनेको नेपाली फुटबल टिमको फिफा वरियता भने खस्किएको छ। फिफाले बिहीबार सार्वजनिक गरेको नयाँ वरियतामा नेपाल १ स्थान तल झरेको हो।

नयाँ वरियता अनुसार १ स्थान तल झर्दै नेपाल १६९औं स्थान आइपुगेको छ । साफ च्याम्पियसिपका ५ खेलमा नेपालले २ जित, १ बराबरी र २ हारको नतिजा निकालेको थियो।

दक्षिण एसियामा नेपालभन्दा अघि भारत र माल्दिभ्स छन् । साफको च्याम्पियन भारत १०६ र माल्दिभ्स १५६औं स्थानमा छन्। यस्तै, बंगलादेश १८७, भुटान १८६, पाकिस्तान १९७ र श्रीलंका २०४ औं स्थानमा छन्।

Facebook Comments Box