बुन्डेस लिगामा लेइपजिगको सहज जित

जर्मन बुन्डेस लिगामा आरबी लेइपजिगले सहज जित हात पारेको छ। बुन्डेस लिगाको दोस्रो चरणअन्तगर्त शुक्रबार राति भएको खेलमा उसले स्टुटगार्टलाई ४–०ले हरायो।

बुन्डेस लिगामा लेइपजिगको यो पहिलो जित हो । पहिलो खेलमा उ माइन्जसँग १–०ले पराजित भएको थियो। लेइपजिगको जितमा स्ट्राइकर डोमेनिक सोबोस्लाइजले २ तथा इमिल फोर्सबर्ग र आन्द्रे सिल्भासले समान १ गोल गरे।

३८औं मिनेटमा सोबोस्लाइजको गोलमा लेइपजिगले सुरुआती अग्रता लिएको थियो । दोस्रो हाफको पहिलो मिनेटमै फोर्सबर्गले गोल गर्दै लेइजिगको अग्रता दोब्बर बनाए ।

सोबोस्लाइजले ५८औं मिनेटमा गोल गरेपछि लेइपजिगले ३–०को अग्रता लियो। ६५औं मिनेटमा आन्द्रे सिल्भाले पेनाल्टीमा गोल गरेपछि लेइजिगले ४–०को सहज जित निकाल्यो ।

लेइजिगका लागि आन्द्रे सिल्भाको यो पहिलो गोल हो। उनी यसै सिजन फ्र्यांकफर्टबाट लेइपजिग आएका हुन्।

Facebook Comments Box