फ्रेन्ड्सविरुद्ध संकटाको पुनरागमन जित

SHARE TO:
Read Time:1 Minute

सहिद स्मारक ए लिगमा संकटा क्लबले पुनरागमन जित निकालेको छ। शुक्रबार दशरथ रंगशालमा भएको दोस्रो खेलमा फ्रेन्ड्स क्लबविरुद्ध १ गोलले पछि परेको अवस्था उल्टाउँदै संकटाले २–१को जित निकालेको हो।

लिगमा संकटाको यो पहिलो जित हो । पहिलो खेलमा संकटा र फ्रेन्ड्स दुवैले बराबरी खेलेका थिए । संकटाले हिमालयन शेर्पासँग १–१ गोलको बराबरी खेल्दा फ्रेन्ड्सले सातदोबाटो युथ क्लबसँग गोलरहित बराबरी खेलेको थियो।

संकटाको जितमा निरज बस्नेत र फोडो फोफानाले गोल गरेका थिए भने फ्रेन्ड्सका लागि कप्तान प्रकाश बुढाथोकीले गोल गरेका थिए। खेलमा पहिलो हाफाको अन्त्यतिर फ्रेन्ड्सले अग्रता लियो । ४२औं मिनेटमा उसका कप्तान प्रकाश बुढाथोकीले गोल गरेका थिए।

पहिलो हाफ १–०ले पछि परेको सकटाले दोस्रो हाफमा २ गोल गर्दै जित निकाल्यो । ५७ औं मिनेटमा निरज बस्नेतले गोल गर्दै संकटालाई खेलमा फर्काएका थिए। त्यसपछि ८६ औं मिनेटमा फोडे फोफानाले गोल गरेपछि संकटा २–१ले विजयी भयो।

जितपछि २ खेलबाट ४ अंक जोडेको संकटा दोस्रो स्थान उक्लेको छ । समान अंक भएपनि क्लिनसिट राखेको सातदोबाटो युथ क्लब शीर्ष स्थानमा छ । फ्रेण्ड्सको २ खेलबाट १ अंक मात्र छ ।

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
कमेन्ट गर्नुहोस्ः
SHARE TO:
Previous post सोनु अन्सारीको शतकमा प्रदेश १को विजयी यात्रा कायमै
Next post रोनाल्डो खेल्लान् त कतार विश्वकप ?
Close