स्पेन नेसन्स लिगको फाइनलमा प्रवेश गरेको छ। बिहीबार राति भएको खेलमा इटालीलाई २–१ले हराउँदै स्पेन फाइनलमा प्रवेश गरेको हो।
नेदरल्यान्ड्सको डे ग्रोस भेस्टेमा भएको खेलमा स्पेनलाई जित दिलाउन जोसेलु र यरेमी पिनोले गोल गरेका थिए भने इटालीका सिरो इम्मोबाइलले गोल गरेका थिए।
खेलको तेस्रो मिनेटमै पिनोले गोल गर्दै इटालीलाई सुरुआती अग्रता दिलाए। तर, स्पेनको त्यो अग्रता ८ मिनेट पनि टिक्न सकेन । ११औं मिनेटमा इम्मोबाइलले गोल गर्दै इटालीलाई खेलमा फर्काए। उनले पेनाल्टीमा गोल गरेका थिए।
खेल सकिन २ मिनेट बाँकी छँदा सब्टिच्युट खेलाडी जोसेलुले गोल गर्दै स्पेनलाई २–१को अग्रता दिलाए। ८४औं मिनेटमा अल्भारो मोराटाको स्थानम मैदान प्रवेश गरेका जोसेलुले ४ मिनेट पछि नै गोल गरेका थिए । त्यसपछि गोल नहुँदा स्पेन विजयी भयो।
लगातार दोस्रो पटक फाइनल पुगेको स्पेनले अब उपाधिका लागि क्रोएसियाको सामाना गर्नेछ । सन् २०२१मा स्पेन फ्रान्ससँग पराजित भएको थियो ।
क्रोएसिया नेदलल्यान्ड्सलाई ४–२ले हराउँदै फाइनल पुगेको हो। फाइनल आइतबार राति हुनेछ।
