Read Time:1 Minute

युएई विश्वकपको एसियन छनोटको प्लेअफमा पुगेका छ। मंगलबार भएको खेलमा एसियन पावर हासउ दक्षिण कोरियालाई १-०ले हराउँदै युएई प्लेफमा पुगेको हो।

खेलको ५४औं मिनेटमा हरिब अब्दुल्लाहले गरेको गोल नै निर्णायक बनेको थियो। प्लेअफमा अस्ट्रेलिया र यूएई भिड्ने पक्का भएको हो। समूह ‘ए’बाट शीर्षस्थानको इरान र दोस्रो स्थानको दक्षिण कोरियाले यसअघि नै विश्वकपमा स्थान पक्का गरेका थिए।

यसअघि समूह ‘बी’ बाट अस्ट्रेलिया तेस्रो हुँदै प्लेअफमा पुगेको थियो। यस समूहबाट जापान र साउदी अरेबियाले विश्वकपमा स्थान पक्का गरेका थिए।

अब अस्ट्रेलिया र युएईबीचको प्लेअफ आगामी जुन ७ मा कतारको राजधानी दोहामा हुनेछ। यो खेलको विजेता अन्तरमहादेशीय प्लेअफमा पुग्नेछ। जसमा दक्षिण अमेरिका छनोटको पाँचौं हुने टोलीबीच प्रतिस्पर्धा हुनेछ।

एसियाको प्लेअफ विजेता र दक्षिण अमेरिकाको पाँचौ हुने टोलीबीचको प्रतिस्पर्धा जुनमा हुनेछ। यो खेलको विजेता विश्वकपमा स्थान पक्का गर्नेछ।