ए डिभिजन लिग ११औं चरणमा को–को भीड्दै छन् ? (इन्फोग्राफिक्ससहित)

एन्फा विवादका कारण ४ वर्षपछि भएको सहिद स्मारक ए डिभिजन लिगको १०औं चरणका खेल सकिएको छ । ए डिभिजन लिगको ११औं चरणको खेलमा बुधबारबाट सुरु हुने छ ।

११औं चरणको पहिलो खेलमा ब्रिगेड ब्वाइज क्लब र हिमालयन शेर्पा क्बल भिड्ने छन् ।  यस्तै बुधबार नै जावलाखेल युथ क्लब र मछिन्द्र क्लब भीड्ने छन् भने एनआरटी क्लबले फ्रेन्ड्स क्लबको सामना गर्ने छ ।

यसैगरी बिहीबार च्यासल युथ क्लब र एपिएफ, संकटा र मनाङ भीड्ने छन् । यस्तै १०औं चरणको अन्तिम खेलमा शुक्रबार नेपाल पुलिस क्लब र थ्री स्टार भीड्ने छन् भने सोही दिन सरस्वती युथ क्लब र त्रिभुवन आर्मीको सामाना गर्ने छ ।

लिगमा १०औं चरणका खेल सकिँदा डिफेन्डिङ च्याम्पियन मनाङ मस्र्याङ्दी क्लब शतप्रतिशत नतिजा निकाल्दै ३० अंकका साथ शीर्ष स्थानमा छ । उ अब उपाधिबाट एक खुड्किलामात्र टाढा छ । लागतार १० जित निकाल्दै नयाँ कीर्तिमान कायम गरेको डिफेन्डिङ च्याम्पियन मनाङ सबै खेल जितेर च्याम्पियन बन्दै नयाँ रेकर्ड बनाउने दाउमा छ ।

लिगको आठौं चरणसम्म लिग लिडर मनाङलाई कडा टक्कर दिइरहेका दुई क्लब संकटा र थ्री स्टार क्रमश ५ र ७ अंक पछाडि परेका छन् । संकटाले १०औ चरणमा बराबरीमा रोकियो भने थ्री स्टारले लगातार दुई खेलमा २ अंक मात्र जोडेपछि उनीहरुको उपाधि यात्रामा धक्का लागेको छ ।

अन्डर डगका रुपमा आएको संकटा २५ अंक जोड्दै दोस्रो स्थामान रहँदा थ्री स्टार २३ अंकका साथ तेस्रो स्थानमा समीति छ । शीर्ष स्थानको मनाङभन्दा ७ अंकलेपछि परेको थ्री स्टार उपाधि होडबाट लगभग बाहिरिसकेको छ ।

यसैगरीका लिगको ९ औं चरणसम्म अपराजित रहेको विभागीय टिम त्रिभुवन आर्मी क्लब भने उपाधि होडबाट बाहिरएको छ । उसले पछिल्ला दुई खेलमा १ अंक मात्र जोडेको छ । आर्मी नवौं चरणमा थ्री स्टारसँग बराबरीमा रोकिएको थियो भने १०औं चरणमा उ विभागीय डर्वीमा एफिएफसँग अप्रत्यासित रुपमा पारजित भएको थियो ।

यस्तै विभागीय टिम एफिएफ १६ अंक जोड्दै पाचौं स्थानमा रहँदा १५ अंकका साथ पुलिस छैठौं स्थानमा सीमित छ ।

पहिलो सहभागीतामै लिग उपाधि जित्ने लक्ष्य बनाएको नवप्रवेशी च्यासल युथ क्लब १४ अंकसहित सातौं स्थानमा छ भने १४ अंक नै जोडेको हिमालयन शेर्पा क्लब आठौं स्थानमा रहेको छ ।

यसैगरी १० अंक जोडेको सरस्वती युथ क्लब नवौं स्थानमा छ भने ८–८ अंक जोडेका ललितपुरका दुई क्लब जावलाखेल र फ्रेन्ड्स क्लब क्रमशः १०आंै र ११औं स्थानमा छन् ।

यस्तै, समान ६ अंक जोडेका ब्रिगेड ब्वाइज र मच्छिन्द्र क्लब १२औं र १३औं स्थानमा रहँदा ४ अंक मात्र जोडेको लिगको पूर्व च्याम्पियन न्यूरोड टिम (एनआरटी) लिगको पुछारमा छ ।

Leave a Reply

Your email address will not be published. Required fields are marked *

CLICK HERE TO SKIP