मेसीका लागि विश्वकप जित्न चाहन्छ अर्जेन्टिनी टिम

Read Time:2 Minute

करिब एक महिनाअघि कतारमा सुरु भएको विश्वकप फुटबलको २२औं संस्करण अन्तिम चरणमा छ। अब विश्वकपमा फाइनल र तेस्रो स्थानको खेल मात्र बाँकी छ।

उपाधिका आइतबार फ्रान्स र अर्जेन्टिना भिड्दै छन्। दुवै टिम तेस्रो पटक च्याम्पियन बन्ने दाउमा छन्।

कतारमा सुपरस्टार मेसी खुबै छाएका छन्। उनकै निर्णायक प्रदर्शनमा अर्जेन्टिना फाइनलसम्म पुगेको छ।

३५ वर्षीय मेसी करिअरको उत्तराद्र्धमा छन्, र उनका लागि यो विश्वकप उपाधि जित्ने अन्तिम मौका हो । त्यसैले, अर्जेन्टिनी टिम उपाधि मेसीको सुखद् बिदाई गर्ने पक्षमा छ।

यस्तो भएमा ७ पटकका बालोन डे’ओभर विजेता मेसीले करिअरमा सबै उपाधि जित्ने छन्, उनको करिअरले थप उचाइ पाउने छन्।

यसअघि पनि मेसीले आफ्नै नेतृत्वमा अर्जेन्टिनालाई फाइनलसम्म पु¥याएका थिए, तर त्यसपछि उनी र उनको टिम सफल भएन। सन् २०१४ विश्वकप फाइनलमा अर्जेन्टिना जर्मनीसँग १–०ले पराजित भयो।

अहिले अर्जेन्टिनी टिम मेसीको सुखद् बिदाई गर्न एकताबद्ध छ । युवा र अनुवभी खेलाडीको समीश्रण रहेको अर्जेन्टिना बलियो छ।

मेसी आफैं पनि टिमको प्रदर्शनबाट खुसी छन्। मिडफिल्डमा रोड्रिगो डे पाउल, इन्जो फर्नान्डेस, डिफेन्डसमा निकोलस ओटामेन्टी, लिसान्द्रो मार्टिनेज र स्ट्राइकिङमा जुलियन अल्भासले मेसीलाई खुसी उत्तिकै मेहनत गरिरहेका छन्।

यो टिम पहिलाको टिमभन्दा परिष्कृत छ । टिमलाई एकीकृत बनाउन प्रशिक्षक स्कालोनीले नै मुख्य भूमिका खेलेका छन् । स्कोलानी तिनै प्रशिक्षक जो सन् २००६ मा मेसीसँगै विश्वकप खेलेका थिए।

यो टिमले अब एक खेल मात्रै खेल्न बाँकी छ । मेसीको राम्रो विदाईका लागि टिमले निकै मिहिनेत गरिरहेको छ । उनले पछिल्ला केही वर्षमा समय र परिस्थिति अनुकुल नहुँदा सफल नतिजा निकाल्न सकेका थिएनन् ।

अब भने टिम नै उनलाई विश्वकपको उपाधिसहित एक सम्झनायोग्य पल दिने तर्फ अगाडि बडिरहेको छ ।

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post २०२६को विश्वकपमा ४८ राष्ट्र, समूहमा तीन टिम
Next post कसले जित्ला गोल्डेन बुट मेसी र एम्बाप्पे ? (भिडियाे)
Close