Read Time:5 Minute

कतार विश्वकपमा आजबाट क्वार्टरफाइलनका खेलहरु सुरु हुँदैछ। पहिलो क्वार्टरफाइलनमा ५ पटकको च्याम्पियन ब्राजिल र गत संस्करणको फाइनलिस्ट क्रोएसिया भीड्दै छन्।

राति ८ः४५ बजे एजुकेशन सिटी मैदानमा ब्राजिल र क्रोएयिया मैदानमा उत्रँदा यो भीडन्तलाई ब्राजिलको आक्रमण विरुद्ध क्रोएसियाको मिडफिल्डका रुपमा पनि लिन सकिन्छ ।

किनभने ब्राजिल कतार विश्वकको सबैभन्दा आक्रामक टिम हो । उससँग रिचार्लिसन, भिनिसियस जुनियर, नेमार, राफिन्हा छन्, र उनीहरुलाई रिप्लेस गर्ने बेन्च पनि उत्तिकै बलियो । जसमा रोड्रिगो, एन्टोनी, ग्याब्रियल मार्टिनेली र पोड्रो छन्।

ब्राजिलको यो खतरानाक आक्रमण टिमसँग स्क्रिकको कुनै कमी छैन्, त्यो उनीहरुको ‘जिन’मै छ । सँगै पेस पनि उत्तिकै छ । यो पेश र स्किलको समीश्रण युक्त ब्राजिलाको आक्रमणलाई निस्तेज पार्न क्रोएसियाको डिफेन्स निकै सजग र चुस्त हुनुपर्ने छ।

यता, क्रोएसियाले ब्राजिललाई हराउन सक्छ भने मिडफिल्डको बलमा मात्रै । किनभने क्रोएसियान टिमको निकै बलियो छ, सँगै क्रिएटिभ र अनुभावी पनि । क्रोएसियन टिमको केन्द्र मिडफिल्ड हो, त्यसलाई भेट्रान लुका मोड्रिचले नेतृत्व गर्छन् । उनलाई मेटियो कोभासिच र मार्सेलो ब्रोजोभिचको साथ छ।

रियल मड्रिडका स्टार मोड्रिच करिअरको उत्तरार्धतिर छन्, तर मैदानको उनको जोश र उनले निकाल्ने सटिक पासमा जोशको कुनै कमी छैन। चेल्लीका कोभासिच क्रिएटिभ र डिफेन्सिभ दुवैमा पोख्त छन् । इन्टर मिलान स्टार ब्रोजोभिच भने डिफेन्सिभ मिडफिल्डका रुपमा आफ्नो भूमिका निभाइरहेका छन्।

AL WAKRAH, QATAR – DECEMBER 05: Croatia players celebrate after winning the penalty shoot out during the FIFA World Cup Qatar 2022 Round of 16 match between Japan and Croatia at Al Janoub Stadium on December 05, 2022 in Al Wakrah, Qatar. (Photo by Dan Mullan/Getty Images)

अन्तिम १६मा दक्षिण कोरियाविरुद्ध ब्राजिलले सुरुआतदेखि नै अक्रामण खेल खेलेको थियो। र, उसले पहिलो हाफमै ४ गोलको अग्रत लिएको थियो। दोहाको स्टेडियम ९७४ मा ब्राजिलको प्रदर्शन कतिसम्म राम्रो रह्यो भने यस ब्राजिली टिमको तुलना सन् १९७० को पेले र सन् १९८२ को सोक्रेटसको टिमसँग तुलना हुन थालेको छ । तर ब्राजिलको यस्तो प्रदर्शन एकै खेलमा मात्र सम्भव भएको छ ।

अब ब्राजिलले सन् २०१८ को उपविजेता क्रोएसियाको एजुकेसन सिटी स्टेडियममा सामना गर्दा यत्तिकै आकर्षक फुटबल खेल्न सक्न कठिन हुनेछ । टोलीका लागि जित नै पर्याप्त हुन सक्नेछ अनि यसका लागि भरपूर मिहिनेत गर्नुपर्नेछ ।

क्रोएसियाले चार वर्षअघि फाइनल यात्रा तय गरेको थियो, त्यसैले यो अहिले पनि कम्तीको टिम होइन । त्यतिबेला टोलीले लगातार तीन खेलमा अतिरिक्त समय पुगेर जित निकालेको थियो । यसपल्ट पनि जापानविरुद्ध क्रोएसिया टाइब्रेकरमा विजयी रहेको थियो । यसपालि पनि क्रोएसिया पूर्णतः लुका मोड्रिचमा केन्द्रित छ ।

सन् २०२० युरोकप च्याम्पियनसिपपछि २० मध्ये दुई खेलमा मात्रै क्रोएसिया पराजित भएको छ । फिफा वरीयताको पहिलो स्थानमा रहेको ब्राजिलको चुनौती सामना गर्न क्रोएसियालाई चुनौती हुनेछ । पाँचपटकको विश्व च्याम्पियन ब्राजिल क्रोएसियालाई हराउँदै सन् २०१४ पछि अन्तिम चार स्थान सुरक्षित गर्ने दाउमा छ । प्रशिक्षक टिटेले आफ्नो आक्रामक खेललाई अझै प्रभावशाली बनाउने योजना बनाएका छन् ।

ब्राजिल क्रोएसियाविरुद्ध पछिल्लो चार भेटमा अपराजित छ । सन् २०१८ मा ब्राजिल २–० ले विजयी भएको थियो । क्रोएसियाले बोर्न सोसा र जोसिप स्टानिसिस चोटपछि गुमाउनेछ । बोर्ना बारिसिक लेफ्ट ब्याकमा निस्कनेछन् । लुका मोड्रिक, मार्सेलो ब्रोजोभिक, माटेओ कोभासिकबाट क्रोएसिया ठूलो आशा गर्दछ । थिअगो सिल्भाको कप्तानीमा रहेको ब्राजिलले ग्राबियल जेसुस र एलेक्स टेलसलाई चोटका कारण गुमाउनेछ ।