कोशी प्रदेशले प्रधानमन्त्री कप एकदिवसीय क्रिकेटमा आफ्नो खराब ब्याटिङलाई निरन्तरता दिएको छ।
मुलपानी क्रिकेट मैदानमा जारी खेलमा साहब आलमले ६ विकेट लिएपछि आमीविरुद्ध पहिला ब्याटिङ गरेको कोशी ८८ रनमै अलआउट भयो।
कोशी कप्तान अंकित सुवेदीले ४१ रन बनाउनुबाहेक अन्यले दोहोरो अंकमा स्कोर बनाउन सकेनन्। उनले ३७ बलमा ९ चौका प्रहार गरे। उसका ५ ब्याट्सम्यान डक आउट भएका थिए।
घातक बलिङ गरेका साहबले ६.४ ओभरमा ३ मेडनसहित १४ रन खर्चेर ६ विकेट लिए। यस्तै, कुशल मल्लले २ तथा सोमपाल कामी र विवेक यादवले समान १ विकेट लिए।