रोबर्टसन गरे लिभरपुलसँग नयाँ सम्झौता

डिफेन्डर एन्डी रोबर्टसनले इंग्लिस क्लब लिभरपुलसँगको सम्झौता नवीकरण गरेका छन्। २७ वर्षीय रोबर्टसनले लिभरपुलसँग सन् २०२६ सम्मका लागि सम्झौता नवीकरण गरेका छन्।

रोबट्र्सन २०१७ मा हल सिटीबाट ८ मिलियन पाउण्डमा लिभरपुल आएका थिए। त्यसयता उनले लिभरपुलका लागि १७७ खेल खेल्दै ५ गोल गरेका छन्।

स्कटल्याण्डका कप्तान समेत रहेका रोबर्टसनले लिभरपुलका लागि प्रिमियर लिग, च्याम्पियन्स लिग, फिफा क्लब विश्वकप र यूईएफए सुपर कप जितेका छन्।

यसअघि लिभरपुलले गोलकिपर एलिसन, डिफेन्डरहरु भिर्गिन भान डाइक, ट्रेन्ट अलेक्जेन्टर आर्नोल्ड र डिफेन्सिभ मिडफिल्डर फाबिन्होसँग लामो समयका लागि सम्झौता गरिसेकेको छ।

Facebook Comments Box