इंग्लिस प्रिमियर लिगमा आर्सनल पराजित भएको छ। बिहीबार राति भएको खेलमा आर्सनल घरेलु मैदानमै वेस्टहमसँग २–०ले पराजित भयो।
यो पराजयसँगै आर्सनलले लिभरपुललाई उछिन्दै शीर्ष स्थानमा उक्लने अवसर गुमाएको छ। १९खेलको समाप्तिमा आर्सनल ४० अंकसहित दोस्रो स्थानमा छ भने लिभरपुल ४२ अंकसहित शीर्ष स्थानमा छ।
आर्सनललाई घरमै हराउने क्रममा वेस्टहमका टोमस सोउचेक र कोन्स्टाटिसन मारोपानोसले गोल गरे।
१३औं मिनेटमा सोउचेकको गोलमा वेस्टहमले अग्रता लियो। ५५औं मिनेटमा मारोपानोसले गोल गरेपछि पछि वेस्टहम २–०ले विजयी भयो।
यो जितपछि वेस्टहम ३३ अंकसहित छैठौं स्थानमा उक्लिएको छ।