लखनऊ सुपर जायन्ट्सले आईपीएलमा पहिलो जित निकालेको छ । सोमबार राति भएको खेलमा लखनऊले सनराइजर्स हैदराबादमाथि १२ रनको जित निकालेको हो।
लखनऊले दिएको १७० रनको लक्ष्य पछ्याएको हैदराबादले निर्धारित २० ओभरमा ९ विकेट गुमाउँदै १५७ रनमात्र बनाउन सक्यो। उसका राहुल त्रिपाठीले ३० बलमा सर्वाधिक ४४ रन बनाए भने निकोलस पुरनले ३४ रन जोडे।
लखनऊका तीव्र गतिका बलर आवेश खानले ४ ओभरमा २४ रन खर्चेर ४ विकेट लिए। त्यस्तै, जेसन होल्डरले ३ तथा क्रुनाल पान्ड्याले २ विकेट लिए।
त्यसअघि डिवाई पाटिल स्पोर्ट्स एकेडेमी मुम्बईमा टस हारेर पहिला ब्याटिङ थालेको लखनऊले निर्धारित २० ओभरमा ७ विकेट गुमाउँदै १ सय ६९ रन बनाएको थियो। लखनऊका लोकेश राहुलले ५० बलमा सर्वाधिक ६८ रन बनाए भने दीपक हुडाले ३३ बलमा ५१ रन जोडे।
हैदराबादका वासिन्टन सुन्दर, टि नटराजन र रोमारियो शेफर्डले समान २ विकेट लिए ।
हैदराबाद पहिलो खेलमा राजस्थानसँग ६१ रनले पराजित भएको थियो भने लखनऊ गुजरात टाइटन्ससँग ५ विकेटले पराजित भएको थियो।
