कतार विश्वकपको अन्तिम १६मा ब्राजिलले सानदरा प्रदर्शन गरेको छ। स्टेडियम ९७४मा जारी खेलमा सुरुआतबाटै गोलको वर्षा गरेको ब्राजिलले पहिलो हाफाम ४–०को अग्रता लिएको छ।
ब्राजिललेका लागि नेमार, भिनिसियस जुनियर, रिचार्लिसन र लुकास पक्वेटाले गोल गरे।
सातौं मिनेटमा भिनिसियस जुनियरको गोलमा ब्रजिलले अग्रता लियो । रियल मड्रिडका स्टार भिनिसियसको यो ब्राजिलका लागि दोस्रो र विश्वकपको पहिलो गोल हो।
१३औं मिनेटमा नेमारले ब्राजिलको अग्रता दोब्बर बनाए । रिचार्लिसनलाई डिबक्समा फाउल गरेपछि प्राप्त पेनाल्टीमा नेमारले गोल गरेका थिए। यो नेमारको ब्राजिलका लागि ७६औं गोल हो। उनी महान फुटबल पेलेको ब्राजिलका लागि सर्वाधिक गोल गर्ने कीर्तिमान भेट्टाउन १ गोलले मात्र पछि छन्।
२९औं मिनेटमा रिचार्लिसनले गोल गर्दै ब्राजिललाई ३–०को अवस्थामा ल्याए। उनले थिएगो सिल्भाको पासमा गोल गरेका थिए । यस्तै, ३६औं मिनेटमा लुकास पक्वेटाले भिनिसियसको पासमा ब्राजिलका लागि चौथो गोल गरे।
ब्राजिलले विश्वपमा पहिलो हाफमा ४ गोल गरेको यो १९५४पछि पहिलो पटक हो । त्यतिबेला ब्राजिलले मेक्सिकोविरुद्ध पहिलो हाफमा ४ गोल गरेको थियो।
