सानदार जित निकाल्दै ब्राजिल कतार विश्वकपको क्वार्टरफाइनलमा प्रवेश गरेको छ। सोमबार राति स्टेडियम ९७४मा भएको खेलमा ब्राजिलले दक्षिण कोरियामाथि ४–१को सानदार जित निकाल्यो।
ब्राजिललेका लागि नेमार, भिनिसियस जुनियर, रिचार्लिसन र लुकास पक्वेटाले गोल गरे भने कोरियाका पाइक सेउङ होले गोल गरे। ब्राजिलले चारै गोल पहिलो हाफमा गरेको छ।
सातौं मिनेटमा भिनिसियस जुनियरको गोलमा ब्रजिलले अग्रता लियो । रियल मड्रिडका स्टार भिनिसियसको यो ब्राजिलका लागि दोस्रो र विश्वकपको पहिलो गोल हो।
१३औं मिनेटमा नेमारले ब्राजिलको अग्रता दोब्बर बनाए । रिचार्लिसनलाई डिबक्समा फाउल गरेपछि प्राप्त पेनाल्टीमा नेमारले गोल गरेका थिए। यो नेमारको ब्राजिलका लागि ७६औं गोल हो। उनी महान फुटबल पेलेको ब्राजिलका लागि सर्वाधिक गोल गर्ने कीर्तिमान भेट्टाउन १ गोलले मात्र पछि छन्।
२९औं मिनेटमा रिचार्लिसनले गोल गर्दै ब्राजिललाई ३–०को अवस्थामा ल्याए। उनले थिएगो सिल्भाको पासमा गोल गरेका थिए । यस्तै, ३६औं मिनेटमा लुकास पक्वेटाले भिनिसियसको पासमा ब्राजिलका लागि चौथो गोल गरे।
ब्राजिलले विश्वपमा पहिलो हाफमा ४ गोल गरेको यो १९५४पछि पहिलो पटक हो । त्यतिबेला ब्राजिलले मेक्सिकोविरुद्ध पहिलो हाफमा ४ गोल गरेको थियो।
७६औं मिनेटमा होले लङ रेन्जबाट उत्कृष्ट गोल गरे । त्यसपछि गोल नहुँदा ब्राजिल ४–१ले विजयी भयो ।
अब ब्राजिलले क्वार्टरफाइलनमा रुस विश्वकपको फइनलिस्ट क्रोएसियाको सामाना गर्ने छ। क्रोएसिया जापानलाई पेनाल्टी सुटआउटमा ३–१ले हराउँदै क्वार्टरफाइनलमा पुगेको हो।
