कर्पोरेट ब्याडमिन्टन : कुमारी बैंक र विद्युत प्राधिकरणको विजयी सुरुआत

Read Time:3 मिनेट

कुमारी बैंक काठमाडौं टिम च्याम्पियन कर्पोरेट ब्याडमिन्टन प्रतियोगितामा कुमारी बैंकले विजयी सुरुआत गरेको छ। समूह एमा रहेको कुमारीले कान्तिपुर पब्लिकेशनलाई ३–० ले हरायो ।

प्रतियोगिताको पहिलो दिन भएको प्रतिस्पर्धामा पुरुष एकल तर्फ उच्च वरियताका पुरुष खेलाडीबीचको खेलमा कुमारी र्कैंका सुदीप सेढाईले कान्तिपुरका साजन कृष्ण ताम्राकालाई २१–१८, २१–१९ ले पराजित गरे । यस्तै महिलातर्फ सुनैना मुखियाले संझना शर्मालाई २१–९, २१–११ ले पराजित गरिन् ।

यस्तै कर्पोरेट युगल तर्फको खेलमा विक्रम निरौला र निरज राईको जोडीले सुशिल कुमार रावल र महेश स्वारलाई २१–१५, २७–२५ ले जित निकाल्दै ३–० को जित निकालेको हो ।

काठमाडौं ब्याडमिन्ट एकेडेमीको आयोजना भएको समूह बीतर्फको आईएमई ग्रुप र नेपाल बिद्युत प्राधिकरणविचको खेलमा नेपाल बिद्युत प्राधिकरणले ३–२ को कठिन जित निकाल्यो । प्राधिकरणले जित निकाल्ने क्रममा सुरुको दुई खेलमा हार बेहोरेता पनि खेलमा फर्कदै जितलाई आफ्नो पक्षमा पा¥यो ।

पुरुष एकल तर्फ आईएमईका नविन श्रेष्ठले बिद्युतका दीपक बोहरालाई २१–१४, २१–१६ ले जित निकाले । यस्तै महिला एकल तर्फ नङ्गसल देवी तामाङ्गले शोभा चन्दलाई २१–१२, २१–१५ ले जित निकाल्दै जितलाई २–० ले आफ्नो पक्षमा पारे । तर तेश्रो खेलमा बिद्युतका श्रीप्रसाद धिमाल र राजु महर्जनको जोडीले सरोज बस्नेत र ब्रिजेन श्रेष्ठको जोडीलाई २१–५, २१–१ ले जित निकाल्दै खेललाई २–१ को अवस्थामा ल्याए ।

यसैगरी विद्युतकी शोभा गौचन र याम कुमारी गुरुङ्गको जोडीले आईएमईका स्मारिका यरुशा श्रेष्ठ थापा र नङ्गशल तामाङ्गको जोडीलाई २१–११, २१–१२ ले पराजित गर्दै खेललाई २–२ को बरावरीमा ल्याए । निर्णायक खेलमा दीपक बोहरा र राजु महर्जनको जोडीले नविन श्रेष्ठ र निशान्त ढकालको जोडीलाई २१–१८, २१–१८ को समान अन्तरले पराजित गदै जितलाई ३–२ का साथ आफ्नो पक्षमा पारेको हो ।

टिम प्रतियोगितामा बरियताका पुरुष एकल र महिला एकल, कर्पोरेट पुरुष युगल, महिला युगल र पुरुष युगल गरि बेष्ट अफ फाईभको गेम हुनेछ ।

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post क्यान–खेलाडी विवादले बन्द प्रशिक्षण प्रभावित
Next post अक्सब्रिज कप बास्टेकबल उपाधि जेभियर र टाइम्सलाई
Close