निरज श्रेष्ठ र गणेश लावती ह्याट्रिकमा फलोसिपको पोस्टमा फर्पिङको ११ गोल

त्रिपुरेश्वरस्थित दशरथ रंगशालामा जारी मेयर कप भेट्रान्स फुटबल प्रतियोगितामा फर्पिङ फुटबल क्लब विजयी भएको छ। सोमबार दशरथ रंगशालामा भएको पहिलो खेलमा निरज श्रेष्ठ र गणशे लावतीको ह्याट्रिक मद्दतमा फर्पिङले फेलोसिपलाई ११–०ले हरायो।

फर्पिङको जितमा निरज श्रेष्ठले ह्याट्रिकसहित ४ गोल गर्दा गणेश लावतीले ह्याट्रिक गरे। यस्तै नरकुमार राईले दुई गोल गर्दा पूर्वराष्ट्रिय खेलाडी अनिल गुरुङ र सल्यान खड्गीले एक–एक गोल गरे ।

फुटबलर्स मिसन टुगेदरले आयोजना गरेको प्रतियोगितामा २१ टिम सहभागी छन् । २१ टिमलाई ७ समूहमा विभाजन गरिएको छ । प्रत्येक टिमका समूह विजेता र उपविजेता मध्ये उत्कृष्ट एक टिम नकआउट चरणमा प्रवेश गर्नेछ।

अखिल नेपाल फुटबल संघ ९एन्फा० को प्राविधिक सहयोगमा हुने प्रतियोगिताको विजेताले ५ लाख र उपविजेताले २ लाख ५० हजार पाउने आयोजकले जनाएको छ । प्रतियोगितालाई ललितपुर महानगरपालिकाले प्रायोजन गरेको छ।

फुटबल फेलोसिपको भने यो लगातार दोस्रो पराजय हो । यस अघि फुटबल फेलोसिपले नेपाल आर्मी भेट्रान्स क्लबसँग ७–१ ले पराजित भएको थियो।

Facebook Comments Box